Jocylin Croes a forma parti di e delegacion di Aruba pa e conferencia cu a tuma luga na New York, entre dia 5 y 9 di Juni, pa loke ta e metanan di desaroyo SDG14. Esaki ta hopi importante pa Aruba. Na prome luga nos economia ta depende pa awendia casi 90% di turismo. Pakico turistanan ta bin Aruba? Door di nos lama. Nos beachnan. Esaki ta haci cu no solamente pa Aruba, pero pa paisnan chikito rond mundo. E tipo di conferencia aki y pa haya partnership riba e tereno di lama, con pa mantene e bon calidad di bo lama, ta hopi importante. E temanan cu a wordo papia na e conferencia aki tabata varia di marine polution. Loke Aruba a presenta, ta loke ta haciendo cu e ley nobo cu a wordo introduci, manera e prohibicion di saco di sushi, ta di suma importancia. Tambe nan a haya chens pa presenta den diferente sesion, e desaroyo di Aruba riba energia renobabel, cu ta haci cu nos tin menos CO2 den nos atmosfera, cu tambe, mirando cu Aruba ta forma un laboratorio riba esaki, por bisa cu un ehempel pa otro paisnan, bo ta haci cu toch talbes, aunke nos ta chikito. Esaki ta forma un bon ehempel pa otro paisnan rond mundo. Tur esakinan toch tin efecto riba e calidad di loke bo ta haci directamente of indirectamente riba bo lama. Tambe claro a wordo papia di e tipo di productonan cu ta bay den nos lama, con riba tera mester tin varios actividad pa e calidad di awa cu ta bay bek den lama. Pa proteha esakinan, y por mira cu nos ta haciendo basta bon trabao via Bubali Plas, pa e awa cu ta bay bek den lama, pero esaki tambe ta haci cu nos mester bira mas conciente riba nos mesun consumo. Consumo di nos awa, consumo toch di electricidad. Con cu bay bin, tur cos ta relata na otro. Tur cos cu nos ta haci riba SDG14, toch ta relata riba tur otro cos den nos comunidad, den nos pais.
Nos ta biba di awa, nos ta biba di lama. E awa cu nos ta bebe ta bin di lama. Croes a splica cu ta importante cu a realisa cu eigenlijk, rond mundo no suficiente ta wordo haci pa nos proteha nos lama, pa wak con miho nos por beneficia di lama. Con pa crea un tipo di pesca cu ta mas sostenibel rond mundo y conhuntamente ta traha riba dje. No ta meteo so tin cu traha riba dje, pero departamento di naturalesa, ta DOW, ta Departamento di Turismo, hotelnan. Ta tuma un esfuerso di nos tur, tur organisacion cu tin na Aruba y claro tambe di Gobierno. Como comision nacional pa metanan mundial, pa Aruba ta un di e metanan mas importante. Esaki tambe a bin padilanti durante un mision recien cu tabata tin di Nacionnan Uni, unda cu a bin ta yuda nos cu un roadmap pa Aruba y nan a identifica cu parti di planeta, a wak riba e impacto social, e parti economico y planetario. E parti planetario nan a mira cu riba lama, nos tin hopi oportunidad pa por yuda drecha calidad di nos lama rond di Aruba y tuma actividadnan cu por prteha nos lama y tambe pa nos tin un economia cu ta basa riba un tempo hopi largo nos dilanti. E ora eynan, como comision nacional ta bin ta traha cu e diferente departamentonan pa por coordina cu e plannan aki, pa bin cu plannan nacional riba e partinan aki, forma un plan di lama pa por conhuntamente traha pa drecha y proteha locual ta di nos, nos lama nan.