AMSTERDAM – Na e monumento “Het Groeiend Monument” a tuma luga ariba diamars 4 di October e conmemoracion anual pa e victimanan di e tragedia di Bijlmer . E aña aki ta 24 aña pasa cu un Boeing 747 di carga di EL AL a cay den e flatnan Kruiitberg y Groeneveen. E tragedia a exigi bida di 43 persona, di cual 12 tabata Arubiano. Funcionario pa Bienestar General di Gabinete di Aruba Nuris Dabian a pone un krans den nomber di Gobierno y pueblo di Aruba.
E programa a consisti entre otro di canto door di coro di mucha di scol basico El Crescendo y tabata tin discurso di famia di e victimanan y di stadsdeelvoorzitter pa Amsterdam Zuid-Oost Muriël Dalgliesh.
Extacmente 6’or y 35 minuut – momento cu a avion a cay den Bijlmer na 1992 – a tene un minuut di silencio pa recorda e victimanan. Despues a sigui e ceremonia di ponemento di krans.
Un danki ta bay na fotografo Jos van Leeuwen kende a suministra imagen di e acto aki.