Mundo di baseball ta produci hobennan cu a yega Mayor League Baseball, cu por haci e trabao di train nos muchanan local. Pero nan ta wordo hala un banda, pa trece Cubano, bin supuestamente dirigi nos muchanan na Aruba, caminda cu gobierno ta paga schat di placa na e persona aki, sin cu e ta yega tereno, pero e ta cobra si. Sr. Joselito Albertz di Baseball Madness ta amplia mas ariba esaki.
Kisas Aruba tin tres Big Leaguer preparando nan mes, manera un Xander Boagerts, pero Corsou tin como dies, seis den Grandes Ligas y un otro seisnan mas cu ya ta den preparacion. Lo mester evalua kico Corsou ta haciendo riba tereno di baseball, ya cu na Aruba no ta haya e weganan ni pa wak, pasobra no tin interes pa wak esakinan. Tur esaki ta contribui pa ATA nenga Sr. Albertsz su proposicion. Di otro banda no tin apoyo pa deporte na Aruba. Un compania nacional di Aruba, SETAR no ta miembro di Mayor League Baseball, pa cual Aruba no ta haya ningun promocion den baseball. Y Sr. Albertsz cu ta mustra manera pa habri porta, trece vision pa wak mas leu.
Mester wak kico ta dunabo beneficio, con bo ta bay come di dje e dia di mañan. Y si bo haya un ESPN, cu lo bay duna promocion na bo pais pa un siman largo, sey bo ta hala un banda. E budget di Sr. Albertsz, pa un promocion na ESPN, cual lo mester a tuma luga den e siman di All Star Week, caba te na World Series, full un programa traha caminda nan lo entrevista tur ex- peloteronan di Aruba, hendenan grandi di baseball di Aruba, full un programa traha rond di esaki. Apoyando y promocionando Aruba, cu ESPN lo tey pa sponsor e evento, riba nan social media, caminda cu e prijs exacto pa ESPN tabata na Aruba ta 150 mil dollar. Extra lo por a bin un 70 mil dollar, lo a bira un pakete di 225 mil dollar cual a wordo ofreci na ATA, cual lo a inclui 18 pelotero di Mayor League Baseball, cu a wordo invita pa haci e evento. Tambe ta inclui material pa e evento, estadia di e peloteronan ya cu segun Sr. Albertsz ta hendenan cu bo no por ponenan keda unda cu ta. E ta un persona cu ta gana miyones den su contract. Un persona cu tin 24 miyon follower, segun Sr. Joselito Albertz.