Varios ta e liñanan crucero cu ta bay pone un barco adicional den lama Caribe, pero no ta bay tin luga pa tur. Sr. Humphrey Tromp, director financiero di APA ta amplia.
Na Oranjestad mes, den e lunanan di high season, e kadenan ta bastante ocupa. Pero toch tin dianan cu no tin niun. Esaki kiermen cu lo mester busca e forma con pa planea esaki hunto cu e liñanan crucero pa planea esaki miho, pa evita e congestamento den e wafnan. Ta keda den contacto cu nan, pa bo keda ta un choice na momento cu decision cay pa crea un ruta nobo, pa keda den e ruta. Durante e conferencia di FCCA , tabata tin tur indicacion cu Aruba lo mester prepara, pa ricibi barconan adicional,
STRUCTURA
APA ta trahando ariba e structura di waf. Ya caba Aruba su waf por acomoda barconan grandi. Ta acomodando Freedom. Apart di e waf, pafo di waf tambe ta importante pa nos structura por carg’e. Ora cu tin dos barco grandi den waf, por wak e trafico congestiona, y lo meter keda pensa cu e trafico, e siguridad di cada turista crucero ta keda importante. Ta momento cu tin un trafico hopi pisa na entrada of salida di e puerto, APA lo tin cu bay wak con pa tin esaki miho den control. Esaki lo ta hunto cu departamentonan concerni lo bay delibera ariba e pida aki. Ta trahando ariba un salida nobo di e puerto. E no ta full cla ainda, pero e mester tene cuenta tambe cu e entrada y salida aki ta directo pa trafico. Lo mester wak un forma pa controla esaki pa den futuro, prome cu bay haci uzo di e entrada nobo aki.
Mas aleu, Sr. Tromp a sigui bisa cu APA ta bezig cu’n estudio di nos carrying capacity, con mas nos kier sigui crece. E barconan ta birnado mas grandi, y ta biniendo cu 5 mil turista crucero. APA por ricibi dos te tres, pero Aruba ta cla pa handle 18 mil turista crucero? E mas hopi cu nos a haya ta di 12 mil turista crucero, cual no tabata tin mas tour disponibel tampoco.
CARRYING CAPACITY
E experiencia di e turista ta hopi importante. Si e turista yega y e no por a haya taxi, e no por a haya un tour, tur esakinan, na dado momento esakinan afecta su estadia, e ta afecta tambe su resultado. Kisas lo no tin un siguiente biaha. Mester ta cauteloso con hopi nos kier crece. DI parti di APA nan ta trahando cu’n averahe masha marginal. Aruba mester crece pero cu stapnan masha chikito, ya cu mester ta cauteloso cu loke nos ta brinda, segun Sr. Humphrey Tromp, director financiero di APA.