A puntra Sr. Dijkhoff kico nos mester pa nos por cuida mas di nos luganan arkeologico na Aruba pa cual Sr. Dijkhoff a contesta cu esaki ta ley. E ta amplia mas ariba esaki.
Segun Sr. Dijhkoff, preservacion ta importante, e luganan mester ta bon cuida, di dos parti di preservacion mester tin legislacion pa proteha nan. Y di tres mester tin maneho, esta cu nan so no por hacie y p’esey Museo Arkeologico ta contento cu e Monumentenmaand pa yuda conscientisa ariba e preservacion.
Tur sitio arkeologico, tur por haya e status di un monumento y esey hunto mester compronde y hunto mester traha ariba esey. Ta haci invitacion na tur interesa pa inscribi pa e bishita na e monumento y sitionan arkeologiconan aki, segun Sr. Raymundo Dijkhoff di Museo Arkeologico.