Aruba den e plannan di gobierno, nan por pone atencion ariba loke ta E-commerce, ariba locual ta transparencia den procesonan cu mester tuma luga pa un hende establece su mes na Aruba. Sr. Roland van Trigt, presidente di ATIA ta splica mas ariba esaki.
Den e proceso cu mester pa cuminsa cu negoshi na Aruba, e redtape prome cu haya permiso y hopi departamento di gobierno ta depende ariba dje. Tur e procesonan aki metser wordo agilisa, ya cu nan ta forma parti di un cadena di cu mester cana prome cu yega na e fin. Esaki no ta bayendo manera cu e mester ta. Un di e puntonan principal ta cu mester papia ariba con ta agilisa y facilita negoshinan pa establece nan mes na Aruba. Sr. van Trigt ta spera cu gobierno tin oido ariba esaki. Departamentonan crucial den esaki, e.g. Economische Zaken lo por agilisa e proceso. A yega di papia den pasado di one stop shop, den sentido di registra negoshinan, haci esaki mas transparente. Haci esaki mas amigabel pa uza. Ta papia di apps, vooral ora di papia di E-commerce, di E-government, e reglanan ta papia basta cla di kico mester pa establece un negoshi.
ATIA ta haya personanan cu p.e. a nace na Corsou, pero henter nan bida nan a biba na Aruba, pero cu mester di un permiso special pa nan tin nan compania. Esakit a stroba comercio di evalua, y ATIA ta poniendo e puntonan aki ariba papel y ta spera cu gobierno tin oido pa esaki, pasobra esaki ta cosnan cu mester kita for di caminda, pa haci e proceso mas facil y mas lihe pa por yega na dje. Y esey no kiermen, cu e reglanna ta bira mas suave. E miho paisnan na mundo, unda cu pa haci negoshi, manera Singapore cu ta paisnan cu ta florece pero cu tambe tin leynan, cu ta haya bo permiso pa haci negoshi relativamente lihe. Pero esey no kiermen cu e ta mas facil. E cos ta cu e ta transparente.
Tin hopi pais ta bayendo den e direccion aki, y a yega ora pa Aruba tambe bay den e direccion aki, segun Sr. Roland van Trigt, presidente di ATIA.