Cannabis medicinal ta den noticia ultimo dianan, pa cual a puntra Sra. Dorylee Lopez, directora di Inspectie Volksgezondheid Aruba, pa nan opinion ariba e tema aki, kende a bisa cu locual el a skucha den e conferencia, cu ta manera St. Maarten a presenta esak y na Corsou ta haya e CBD oil na botica, pero no tin nada concreto di con nan lo bay over na e medicinal completo.
Na Aruba, Inspectie ta parti di un comision grandi cu tin for di Ministerio di Asuntonan General, ta representa Ministerio di Salubridad Publico, caminda cu ta discuti e topico di cannabis medicinal. Tin un sub-comissie di Inspectie cu directie, unda cu ta discuti leynan cu mester wordo cambia pa haci esaki posibel na Aruba. Tambe ariba ki momento ta bay prescribi e cannabis medicinal, si of no. Pasobra ta conoci cu tin cuater of cinco malesa cu na Hulanda of otro pais, ta prescribi e cannabis medicinal. Eseynan ta topiconan cu aworaki den e sub- comissie, unda tanto inspectie y directie ta hunto, ta wordo discuti
Pa CBD wordo prescribi como remedi, mester wak nos leynan. Na Hulanda tin ley di remedi y tambe warenverordering, dus tin varios ley cu ta reglamenta suplemento of remedi. Dus kico e ta, por specifica esaki den ley. Na Aruba no tin un warenverordering, unda cu of e ta remedi of e no ta. Dus dentro di nos leynan, unda e ta pas miho, tin cu haci un cambio den ley. Mester bin un solucion temporario, mester bin un cambio di ley tambe, unda cu ta e proceso pa haci cannabis medicinal, pero e mester ta CBD olie so, y no CBD olie cu THC, sino e ta bira medicinal.
Na momento cu haci CBD remedi, e ta bira posibel na Aruba, Na momento cu e no tin e ley di suplemento, e ta remedi, e ta permiti. Asina cu e ley di suplemento bin na vigor, e no ta remedi pero suplemento. Por haci’e posibel mirando e ley cu tin na Aruba. Na Corsou e ta otro, y na St. Maarten nan a dicidi di haci CBD olie, tambe ta cay bou di cannabis medicinal. Nan no a haci e diferencia entre CBD olie y e otro cu THC ta remedi, pa nan tur ta uno solo. E no ta wordo separa na St. Maarten, nan a haci’e un solo regeling. Na St. Maarten tur cos ta remedi y e no ta wordo cambia.
Na Aruba, parlamento mester trata esaki unda e ley tin cu wordo cambia pa e por wordo permiti na Aruba. CBD olie ta trece mas discusion, unda cu tin otro suplementonan cu no tin control ariba dje, door cu no tin ley pe. Dus mester evalua e ley aki tambe, unda cu e lo regarda hopi mas otro suplemento, cocn pa regel eesey na Aruba. En berdad, nos leynan di Aruba ta hopi anticua pero ta trahando hunto cu DWJZ pa fin di aña tin algo ariba papel, pa presenta na e comision, cu lo bay presenta esaki na minister, segun Sra. Dorylee Lopez, director di Inspectie Volksgezondheid Aruba.