Recientemente Aruba Marriott Resort a sostene e torneo di golf di Animal Relief Foundation como patrocinador principal di e evento. Adicional di ta patrocinador, e team di Aruba Marriott Resort a participa tambe den e torneo cu un team di cuater hungador entre otro Sr. Tom Calame (Complex GM), Leslie Prea (Hotel Manager), Raymond Habibe (Complex Director of Finance) y Ligenne Trimon (Product Director Sales & Marketing).
Esaki tabata e prome torneo di golf annual di Animal Relief Foundation cual a tuma lugar na Tierra del Sol y cu proposito pa genera fondo pa asina controla y elimina e populacion di cacho y pushi riba caya riba nos isla por medio di educacion, sterlisacion y adoptacion pa asina busca casnan permanente pa e cacho y pushi nan riba caya.
“E ta un placer pa forma parti di e iniciativa importante aki y asina colabora cu Animal Relief Foundation pa asina trata di reduci e cantidad di cacho y pushi riba caya aki na Aruba. Un di Marriott su balornan fundamental ta pa sirbi e comunidad unda nos ta traha y biba atrabes di trabounan voluntario como tambe por medio di colaboracion significativo manera esaki”, a comparti Stacey Banfield, Marketing Communication Manager pa Aruba Marriott Resort.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 411 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel situa riba e di ocho piso di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfruta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.