Diadomingo awor dia 1 di September proximo, ‘Aruba Malmok Runners’ lo tene e di ocho edicion di nan caminata ‘Never say you can’t walk or run’. Pa exactamente 6’or di mainta un grupo grandi di canado y coredo lo sali for di Fisherman’s Huts subi Malmok Weg bai rumbo Arashi y Lighthouse.
Manera tur aña e careda aki ta priminti di bira un cu yen ambiente. E aña aki tambe a añadi un careda di 10km unda cu lo bai te Lighthouse bolbe pa Fisherman’s Hut. Anto e careda tambe ta forma parti di e ranking pa Patrshi Sports. Pues lo ta interesante pa sa ken lo move up y move down despues di e careda aki.
Tin careda pa mucha como tambe pa hende grandi. Pa mucha tin careda di 400m como tambe di 1km. Anto pa e grandinan tin di 6km of 10km. Careda lo sali exactamente 6:00 di mainta. Ta premira cu e careda lo sell out hopi liher pues registra mas liher cu bo pro pa bo no keda afor.
Hopi ta conoce Beto y Jovita Maduro cu ta motornan grandi tras di Aruba Malmok Runners.
Aruba Malmok Runners ta un club deportivo cu ta dedica hopi tempo na nos muchanan y tambe ne hende grandi cu ta desea di practica e deporte di coremento.
E meta di Aruba Malmok Runners ta pa genera fondo pa e club pa asina por ofrece mas na nan atletanan durante aña.
Pa es motibo Aruba Malmok Runners ta invita tur coredo of canado registra awe mes pa asina forma parti di e ‘Never Say You Can’t Walk or Run’ cual ta priminti di ta bira uno grandi y yen di ambiente atrobe. Alabes kier a gradici Subway Aruba y Nature Discount pa forma parti di e gran careda aki.
Registra awe mes via www.malmokrun.com y pasa paga y busca bi BIB na cualkier Nature Discount na Aruba. Costo lo ta AWG. 15 pa e prome 200 mucha y AWG.20 pa hende grandi.
Bishita e Facebook page di Aruba Malmok Runners pa mas informacion y tambe pa e link pa registra: https://fb.me/arubamalmokrunners