Na 2017, algun tienda a cera, inversionistanan no ta tabata inverti y tambe tabata aña di eleccion. Sr. Ben Marapin, economista ta duna su punto di bista pa loke ta 2018.
Sr. Marapin a bisa cu 2016, tabata un aña basta malo, te cu e GDP nominal a bira menos. E tabata un aña completo di recesion. Aña 2017, a bin un mehoracion leve, danki na proyectonan, inversionnan, gastamento di placa na e.o. na hospital. Pero esaki ta cabando. Y tambe a bin poco inversion na 2017, pa loke e supuesto rehabilitacion y restart di e refineria. Y 2018, no tin refineria mas y e proyectonan ta cabando.
Economia ta draai ariba turismo, e ta bayendo basta bon. E por crece mas pero al menos e ta percura pa Aruba lo cera 2018, cu nominal, midi den placa, Aruba lo bay crece levemente. Sr. Marapin a bisa cu mester tene cuenta cu inflacion, y esey ta pone cu lo finalisa 2018 sigur sigur cu’n GDP midi realmente, lo ta menos cu aña pasa.
REFINERIA
Pa loke ta e refineria, Sr. Marapin a bisa cu no mester warda te 2020, pero si no cumpli cu cierto proyecto den e periodo acorda, e ta den default. Prome Minister ta bisa cu mester warda te 2020 pa tuma pasonan, pero segun Sr. Marapin, kisas ta wardando toch cu ainda lo por bin cu poco noticia bon, cu kisas lo por drecha e situacion. AUnke Sr. Marapin no ta kere cu e ta un asunto cu no mester ta mucho optimista. Si gobierno ta mustra madurez, door di no a hinca niun cen den e presupuesto como revenue for di e refineria, y esey ta algo positivo.
Gobierno ta mara te 2020, e tin un aspecto cu tin kisas un tinte politico. No kier tende cu esaki por bira un issue di campaña, a pesar di cu tur indicacion ta mustra cu e situacion ta mustra masha malo pa Citgo, cu ta un subsidiario di PDVSA, cu debe hopi biyones na paisnan rond mundo. Un hues na Merca a dicta caba cu si PDVSA debe un compania placa, e compania lo por bay tras di un subsidiario. Y esaki ta loke a pasa tambe. Dos compania a haci esaki caba, ora cu nan a gana nan caso den Corte.