APA tin hopi trabou pa bay haci pa aña 2018 por ricibi e mega cruise ship cu ta cla pa bin Aruba. Director di APA, Sr. Jossy Figaroa ta splica mas di e trabounan cu mester bay hasi den e canal pa por tin tur cos cla pa 2018.
APA tin basta tempo ta papia cu Royal Caribbean Cruise Lines, ariba diferente otro barconan cu nan tin. Nan tin e barconan di mas grandi. Nan tin e mas grandi, e Freedom Class, e Anthem Class y e Oasis Class. Locual a logra cu Royal Caribbean Cruise Lines ta cu otro aña Freedom Class lo cuminsa bin Aruba otro aña na Mei. E lo reemplasa Adventure of the Seas, y e diferencia ta cu Adventure of the Seas tin 311 m di largura y Freedom Class ta di 339 m. Loke mester haci ta traha boulders, pa asina por tene nan pero esey no ta problema.
Pa locual ta Oasis Class, si lo mester haci dreadging den e canalnan di waf, pa asina por ricibi Freedom Class y tambe Oasis Class. ;lo cuminsa e aña aki ainda cu e trabaonan aki y si ta bon pa 2019 of 2020 lo caba cu e di dos fase. Oasis Class no ta bin na 2018. Si nan bin, lo ta na 2020 of 2021.
Nan ta interesa ya cu pa awo nan ta den Caribe p’ariba, dus St. Maarten, Cozumel y Bahamas. Hopi di nan biaheronan ta “repeaters” y nan ta pidiendo destinacionnan nobo. Aruba no ta competi cu Corsou, pero mas bien Aruba ta hunto cu Corsou, cu ta trahando ariba nan mega pier cu ta prepara pa ricibi Freedom Class na Mei otro aña.
Locual cu Aruba kier ta pa nan bin mas den verano. Oasis of the Seas Aruba ta preparando pe na 2020 y Freedom Class ta bin na Mei 2018, pa cual Aruba ta preparando caba. Tanten cu e pier na Corsou no ta cla, nan no ta bin tampoco. Paso nan kier bin Aruba y Corsou. Dia 7 di November e pier na Corsou ta cla y e ora nan lo ta cla.
Un luna pasa tres loods di APA a bay Fort Lauderdale, na Start Center unda nan a simula cu nan ta drenta e barconan y esaki a bay sin niun problema. Oasis of the Seas ta 360 m, y pa esey lo mester traha boulders mas grandi y Anthem of the Seas ta 348 m. No a papia ainda ariba esaki, pero e peticion pa bin Caribe abao y Aruba su rating ta bon.
E maneho hiba door di e Minister di Turismo, ATA y APA y e manera di hiba e mercado ta bayendo hopi bon. Corsou ta toch sali bon cu e barconan cu kier bin Aruba paso nos producto ta bon, y nos tin diferente producto.
Segun Sr. Figaroa, Corsou mester tin un poco mas incentivo y esaki ta bayendo bon. Tur cos ta mustra cu e añanan binidero lo mester sigui traha y innova e producto y sigui wak kico mas mester haci pa laga e turista sinti su mes bon, comfortabel y safe. E ora ey no mester preocupa, basta Aruba sigui innova. No keda solamente cu e productonan cu tin aworaki y wak kico mas por bin cun’e. Tin varios grupo cu a yega di bin cu e idea di un zipline y a papia na diferente manera con pa bin cun’e y asina tin mas cosnan cu segun Sr. Figaroa cu lo por bin cun’e manera experiencia culinario por bin mas. Y ariba esey, kisas ATA por duna mas informacion, ya cu nan ta haci encuestanan pa asina wak cual ta e puntonan cu mester traha ariba dje. Esey ta algo cu ta midi e experiencia di e turista crucero na Aruba, y cada biaha cu algo no bay dje bon ey, ta haci lo posibel pa drecha esaki, segun Sr. Jossy Figaroa, director di APA.