Recientemente Sr. Rubin Ponson Presidente di Aruba Lions Club hunto cu Sr. Igor Croes y Sra. Magaly Franken di Technodent y tambe miembronan di board di Aruba Lions Club a haci un bishita di cortesia na Minister di Salubridad Dangui Oduber pa asina duna minister mas informacion di un di e projectonan cu Aruba Lions Club tin ya caba pa algun aña cu ta e “Smile Mobile” unda cu por lo menos 3 biaha pa aña ta haci bishita na e casnan di cuido pa limpia y drecha e dentadura ( plachanan ) den boca di nos grandinan, aparte di esaki e team di Lions tambe ta hiba poco musica pa nos grandinan y algo di pasa boca. Durante e encuentro aki tambe a manifesta e preocupacion di e estado con ta haña e dentadura (planchanan) cu tin ora asta ta kibra y e grandi no por use debidamente. Minister a gradici Sr. Croes y Sra Franken pa e bunita trabou y tambe na Sr. Ponson di Aruba Lions Club pa e projecto aki cu tambe a wordo reconoci pa Lions Club International.
