Aruba Lions Club celebrando recientemente dia International di Hende Muher

Recientemente en conexion cu celebracion di Dia Internacional di Hende Muher dia 8 di maart 2021, Aruba Lions Club a tene un evento dia 7 di maart 2021 dedica na miembronan femenino di Aruba Lions Club y tambe e Lioness nan cu ta casa di e miembronan masculino den forma di un High Tea Party. E meta principal di e evento aki tabata pa reuni e miembronan femenino y e Lionessses hunto pa asina celebra nan dia.

E mainta a cuminsa den parking lot di Linear Park unda miembronan di Lions y Lionesses a wordo busca den autonan clasico y acompaña pa e evento door di miembronan di Aruba Muscle & Classic Car Club y Classic Car Club. Na momento cu a yega e club di Aruba Lions Club, e invitadonan a wordo acompaña paden pa un miembro di club unda a encontra e club completamente transforma pa e High Tea Party. Lioness Vanessa Arends y Lioness Carolina Figaroa a duna un palabra di Bon Bini pa asina por a cuminsa e evento. Esaki den forma cu ta cumpli cu tur protocol valido y reglanan sanitario awor cu e pandemia.

Ta intencion di Aruba Lions Club pa e High Tea Party bira un evento anual di Aruba Lions Club pa celebra e ser femenino y pa recauda fondo.

Aruba Lions Club kier a duna un palabra di gradicimento na tur esnan cu a haci e evento aki posibel y ta spera cu tur e invitadonan por a disfruta di e dia.

Pa mas informacion di Aruba Lions Club, por bishita e facebook page of website: www.arubalionsclub.org

Comments

comments