Recientemente durante bishita di Governor Jim Campbell di Districto 35N, cual Aruba Lions Club ta pertenece na dje, a tuma lugar instalacion di 4 miembro nobo.
Durante un anochi masha ameno, den presencia di President Magaly Franken, board actual y varios miembro di Club, Governor Campbell, representando Lions International a huramenta Sra. Lizbeth Roberts, Sr. Eugene Roberts, Sra. Ingrid Kock y Sra. Mirla Koolman como Lions.
Masha pabien na nos miembronan nobo, Bonbini den Aruba Lions Club caminda sirbi nos comunidad cu nos curazon, ta na prome lugar.
Nos ta pidi tambe comunidad keda pendiente pa varios actividad cu Aruba Lions Club ta bai tin en coneccion cu celebracion di 75 aña sirbiendo comunidad di Aruba.