Aruba Lions Club ta hopi bon conoci den comunidad pa entre otro su rifa di cas pero tambe di ta yuda hende cu tin mester di un cama special di hospital of cu un rolstoel. Mester bisa cu esaki no ta algo facil pa hasi. E ta rekeri hopi esfuerzo, trabao y hopi pasenshi. Tur esaki ta wordu hasi riba un base boluntario.
Pa locual ta trata e di tres kwartaal di e periodo leonistico aki, esta di januari pa maart di 2019 e programa di cama di hospital y rolstoel a sa di duna 42 asistencia na comunidad. A entrega na total 19 cama special na famianan cu ta tin mester di esaki y a entrega tambe 20 rolstoel. Nos a logra di recupera y recondiciona 7 cama y 5 rolstoel. Esaki a duna un total di 116 ora di trabao. Si multiplica e total aki door 4 nos por deduci cu pa aña Aruba Lions Club di dedica al rededor di 464 ora di trabao boluntario den comunidad pa cu e proyecto aki so. Mester menciona cu e gran motor tras di e programa aki ta Lion
Maximiliano “Bibi” Arends. Kende ta hasi e trabao aki cu hopi amor y dedicacion.
Ta entre otro pa motibo nan aki Aruba Lions Club ta hasi un apelacion na comunidad, comerciantenan, empresanan pa duna Aruba Lions Club un man y apoya e actividad nan pa recuada fondo pa di e manera aki por sigui brinda e pueblo di Aruba e servicio aki.