Durante un ceremonia e siman aki e club di servicio Aruba Leo Club a instala no menos cu 10 miembro nobo cu di e forma aki ta bay traha pa yuda comunidad y mayoria consistiendo di young profesionals cu atrabes di vision, mision y metanan Leonistico lo sa di implanta programa y proyectonan nobo pa e comunidad Arubano.
Tur hoben cu drenta Leo Club ta haya e oportunidad pa experencia lidersago necesario pa ora cu nan ta adulto sigui sirbi comunidad di Aruba pero den Aruba Lions Club, y nan lo ta bon prepara pa e trabou aki. Aruba Leo Club ta traha riba diferente proyecto. Nan lo cuminsa cu un Medical Alert Card pa un fundacion sigui pa luna di October nan tin uno hopi grandi cu ta dirigi riba esnan cu ta huma den auto, cu esaki no ta algo bon. E ta un campaña pa conscientisa automobilistanan cu no ta bon pa huma den auto, principalmente si tin mucha den e vehiculo. Nan ta traha sticker y e miembronan lo para na areanan strategico pa reparti esaki.
Den luna di November tin otro campaña cu ta den e siman di buki. E miembronan di Aruba Leo Club lo bishita hospital den oranan di anochi pa conta e pashentnan chikito storia durante e siman ey.
Y naturalmente den luna di December lo tin un actividad, unda cu lo trece muchanan den institutonan hunto na un localidad durante cual lo tin diferente wega pa nan diverti nan mes y den oranan di anochi tin un banda pa entretene nan.
Leo Club ta eligi su Presidente tur aña y semper ta traha a cada hoben haya e chens di funciona den un di e puestonan di e directiva, pa acumula mas experiencia posibel. Hobennan cu ta den nan aña di examen semper ta tene consideracion cu nan. Y e grupo nobo aki a demostra di ta cla pa traha, pasobra ya caba a traha un plan di 40 proyecto.
E Presidente nobo di Aruba Leo Club ta Sjarlaine de Windt, cu taunhoben cu meta pa logra cosnan positivo pa comunidad. Asina el a splica cu nan ta trahando riba un proyecto di siman di salud, tambe tin un Feria pa Mucha riba Dia di Mucha, etc. E aña nobo di e directiva ta uno cu a trece mentenan fresco hunto a haci cosnan positivo pa comunidad. Esnan interesa pa bira miembro di e club, por subin an Facebook Leo Club Aruba y wak tur loke nan ta haciendo y con pa bira miembro.