Riba diahuebs 12 di augustus ultimo miembronan di e directiva di Aruba Karate Bond, esta Felix Tromp y Janina Werleman, tabata tin e grato placer pa firma e cambio di e statuto na oficina di notario Rodriquez-Taekema na De La Sallestraat 60 na Playa.
Tabata na juni 2018 durante e reunion general di miembro cu a keda dicidi cu ta actualisa e statutonan pa asina garantisa e continuidad di e federacion y cumpli conforme stipulacionnan di bon gobernacion. Igualmente e cambio di e statuto ta nifica cu Aruba Karate Bond ta cumpli na e exigencianan di Stichting Sportsubsidie Aruba y Comite Olimpico Aruba. E satisfaccion pa Aruba Karate Bond ta grandi pa awe wak e resultado di un trabou boluntario haci den ekipo.
Ta gradici tur directiva anterior y actual cu a colabora na e meta aki. Un palabra di danki special pa señor Paul Langerak, señor Jose Vivas, señora Maria Vega, Desiree Thodé, Ligia Perrejil, Silvano de Castro, Gustavo Velasquez, Solange Tchong, team di Stichting Sportsubsidie Aruba y team di Comite Olimpico Aruba, specialmente Nicole Hoevertsz. Tambe ta gradici coach Alberto Gonzalez Lujan, tur miembronan, e karatekanan y mayornan.
Pa por sigui Aruba Karate Bond, nos ta invita boso pa subi nos pagina di Facebook. Tambe por comunica cu nos via [email protected] Pa esnan cu kier duna un apoyo financiero, por haci esaki riba e cuenta di Aruba Karate Bond, na Arubabank, number di cuenta: 2527930290. Keda pendiente pa e siguiente evento cu sigur boso tambe kier forma parti di dje!