Aruba Juniors Basketball a continua cu su torneo ora cu Cavalliers a topa cu Heat. Heat a hunga un wega poniendo presion riba e ofensa di Heat. Esaki a duna resultado mirando cu nan a limita e top scorer di e torneo, esta Leonardo Winterdal, na apanas 9 punto. Heat a mantene un bentaha leve na half 14-12. E di dos mitar a bira un intercambio di basket unda cu Cavalliers ta tuma bentaha di 5 punto pero dos fastbreak di Emanuel Pierre y un putback di Elias Suarez ta bolbe duna Heat e ventaha. Faltando algun seconde pa wega termina y cu e wega empata na 30 Leonardo Winterdal ta horta e bala di Emanuel Pierre pa produci 3 punto y seya e wega. Leonardo Winterdal ta score 9 mientras Cedrick Pas ta tuma 16 rebounds pa Cavalliers. Pa Heat Elias Suarez ta score 12 punto. Chris Placencio a piki 12 rebound pero no a demostra di por a lidera su team. Den e di dos wega Warriors a bin fuerte y ta kibra invicto di Celtics. Arron Stamper y su Celtic a bin cu e pensamento cu nan lo walk over Warriors pero a pasa lo contrario. For di cuminsamento di e wega Warriors a tuma bentaha y no a laga esaki bay mas. Warriors bou guia di e veteran Genaro Helder y Elijah Withfield ta hunga un wega mas organisa y ta tuma nan tempo pa ehecuta. Celtics di nan banda ta hunga riba speed pero no tabata efectivo den finish hugada. Despues cu Warriors tabata arina 29-24 na half nan ta gana e wega 51-46. Elijah Withfield, Michael Charles, Genaro Helder, y Jevahno Maduro a score 20, 20, 18 y 13 punto respectivamente. Woodberlin Chery a hunga su miho wega te awor pa Celtics. El a score 16 t a piki 14 rebounds. Arron Stamper 19, Eloy Ruiz 13 y Starling Arismendy 11 tabata e otro topscorernen. Tambe tabatin un wega entre e mininan di Aruba Juniors y otro contra Estrella. Den un ambiente deportivo y cu basta mayor presente cu a bin apoya nan yiu. e muchanan a hunga mini basketball y siña conoce e wega miho. E Campeonato ta continua diahuebs y diabierna awor pa 7or riba cancha di Aruba Juniors.