Aruba Hospitality & Security Foundation a organisa training di Siguridad Proactivo

Aruba Hospitality & Security Foundation a organisa training di Siguridad Proactivo pa e directornan di siguridad den zona turistico.

E training ta basa riba e modelo di seguridad di Israel y tin como meta pa yuda e manager prepara su team pa reconoce menasa prome cu e sosode.

Segun Presidente di AH&SF, Tisa LaSorte, “mientras cu turismo ta recuperando, ta importante p’e agentenan di siguridad sigui mehora nan conocemento y habilidad pa yuda evita crimen contra nos turista y residente. AH&SF ta contento di por a organisa e training y di observa bon participacion.”

AH&SF a contrata specialistanan di Chameleon Associates pa duna e training cu ta priorisa reconocimento di menasa pa por tuma accion y evita crimen en bes di ta reactivo. La Cabana, Alhambra Ballroom, y Aruba Marriott Resort a sirbi como anfritrion pa 3 dia di training. Lo ofrece sesion virtual na e agentenan di siguridad y di Beach Police durante resto di 2021.

Aruba Hospitality & Security Foundation tabata funda na 2001 pa AHATA cu colaboracion di Cuerpo Policial. E meta di e fundacion ta pa sostene esfuersonan cu ta mantene seguridad den zona turistico. E proyectonan di AH&SF ta financia pa Aruba Tourism Authority cu e fondonan genera di impuesto di acomodacion cu turista ta paga.

Comments

comments