Aruba falta hopi ainda pa loke ta conscientisacion den limpiesa

Dia 5 di juni tabata Dia Internacional di Medio Ambiente, cu ta parti di e siguridad, parti di limpiesa y tambe e mantencion di rond di bo cura limpi. Mantene nos matanan, tene bo parti di Aruba limpi. Y seguramente, e parti di e limpiesa y e parti higienico, cu ta e parti hopi importante.
Sr. Robby Rosel, vocero di Bureau City Inspector a sigui bisa cu tin biaha ta haya hende ta tira bestia morto den mondi, cu tambe ta daña nos medio ambiente, unda cu parhanan ta mishi cu esaki, cu por come tanto e bestia como tambe e bichinan. E parti di naturalesa, nos yuwananan, cu ta wordo mata door di nos mes hendenan, tambe e coneunan cu ta biba den mondi. Tur esaki ta parti di nos naturalesa. P’esey un yamada na e pueblo di Aruba pa yuda cu locual tin den e parti di naturalesa, mantene esakinan, p’asina Aruba tambe tin un naturalesa limpi, bunita, sano y sigur.
Mas aleu, Sr. Rosel a sigui bisa cu e comunidad di Aruba falta hopi ainda pa wordo conscientisa. Un ekipo di Bureau City Inspector ta traha incansabelmente pa por trece esaki bek ariba e caminda corecto. Sigur mester bisa cu e comunidad di Aruba mester siña pa no tira sushi tur caminda. Tin un dump, pero tambe bari di sushi. Tira tur locual cu ta desperdicio den dje, unda Serlimar lo pasa recoge esaki.
Bureau City Inspector ta purbando di tene varios areanan limpi. Na Pos Chikito, Sabana Basora, algun siman atras a haci un parti di dje full limpi. Kita tur locual ta ilegal den e tereno. Y sigur ayera durante e control di e team di BCI, ta bolbe encontra sushi tira cant’i caminda. Parti di esey cu ta tree un discordia den e parti di comunidad y di e parti di Pos Chikito. Mas cu claro, BCI tambe ta bisa cu esaki no ta sistema. No ta solamente e ta cay bou di e comunidad di Aruba pero tambe di parti di nos Arubianonan cu tambe ta gusta mantene sushedad rond di nan cas. Ta importante, pa mantene bo cas limpi, tanto paden como pafo. Pafo tambe ta forma parti di bo cas. No pone artefactonan bieu den cura di cas, manera den diferente distritonan, autonan bieu cu ta para. Autonan cu ta wordo trece poni den cura di cas ilegalmente. Tin hopi dolor di cabes cu e parti aki. Autonan cu ta para ariba terenonan publico, huurgrond, cu ta di gobierno.
Ban elimina esakinan y ban mantene esakinan na ordo di dia. Pronto lo cuminsa elimina esakinan, conhuntamente cu Cuerpo Policial y tambe DTI y BCI. Por spera un bishita na cualkier momento di e team cu lo sali pronto ariba caya pa cuminsa e parti di aki. Tin hopi garashi di autonan ilegal ariba Aruba, y otronan cu ta nan cas, cu nan tambe ta pone autonan sin cu tin vergunning pa esaki. Protno lo cuminsa investiga esakinan. Y sigur boetnan lo bay cay, ora cu e papelnan no ta na ordo.

Comments

comments