Recientemente Aruba Domino Bond a ricibi un invitacion for di e Federacion Internacional di Domino pa asina asisti na e Mundial di Domino 2018, cu e aña aki a tuma luga na Republica Dominicana den edicion number diesseis. Despues di algun luna di preparacion, Aruba Domino Bond tin su seleccion debidamente prepara pa e campeonato mundial aki. Pa varios aña Aruba ta afilia na e federacion mundial di Domino. Den e ultimo 4 añanan, Aruba a sa di participa cu resultadonan sumamente satisfactorio.
Banda di e participacion, Aruba Domino Bond lo atende e Congreso Annual cu lo wordo teni conhuntamente cu Campeonato Mundial aki. Presidente di Aruba Domino Bond lo ta atende e Congreso durante di e Mundial. Cada aña lo eligi e sede pa e siguiente Campeonato Mundial 2019. E competencia a tuma luga durante e dianan 25, 26 y 27 di oktober na e ciudad di Santo Domingo.
Lotto, e loteria di Aruba pa medio di Stichting Sportsubsidie Aruba a yuda subsidia e biahe di e delegacion di domino pa e Mundial di Domino na Republica Dominicana
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.