Siman pasa, e organisacion di Aruba Dolphins Swimming Team a organisa pa di 18 aña un di e competencianan di landamento internacional mas grandi na Aruba esta e Aruba Dolphins Invitational cu a e anja aki tabata e di 18 edicion. Manera tur anja, varios club di landamento di exterior ta bin cu nan mihor landadonan Aruba pa asina competi contra di nos mihor landadonan. Paisnan presente tabata Colombia, Bonaire, Curacao, y mas cu claro Aruba mes. Un total di 225 landado a midi forza den e Aruba Dolphins Invitational 2019. Pa loke ta e resultado final nos tin cu bisa cu Aruba Dolphins Swimming Team a bira e overall winners di e Aruba Dolphins Invitational 2019. Na di dos lugar a keda Stingray Swimming Team di Aruba mientras Typhoon Swim Club di Corsow a keda na un di 3 lugar. Otro aña e organisacion di Aruba Dolphins lo celebra nan di 45 aniversario. Stichting Sportsubsidie Aruba ta contento di por aporta y brinda e ayudo na e organisacion di Aruba Dolphins Swimming Team cu a organisa nan di 18 edicion di e Aruba Dolphins Invitational. Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.