ARUBA DOET 2019 a cuminsa!
Diahuebs 1 di November 2018 den un forma informativo, interactivo y festivo a tuma lugar e lansamento di ARUBA DOET 2019 den e ballroom di Divi Phoenix.
Durante e lansamento Director di CEDE Aruba, Daniel Tecklenborg, hunto cu e coordinadornan di ARUBA DOET 2019, Stephany Phelipa y Thixianne Wever a duna un presentacion cortico di e proyecto ARUBA DOET, a pone enfasis riba e importancia di trabou boluntario y e impacto positivo cu esaki ta crea den comunidad. Tambe a presenta na esnan presente e team di boluntario cu lo yuda coordina e proyecto y un invitado special cu ta e Mascota di ARUBA DOET, e Kolibrie (Blenchi). Mas den anochi organisacionnan presente a intercambia ideanan riba diferente topico cu ta relata cu e proyecto ARUBA DOET. Diferente ideanan a bin dilanti y lo wordo compila y comparti mas despues cu un y tur. Na final di anochi organisacionnan social tawata tin oportunidad pa gana diferente premionan cu nan por haci uzo di nan riba e dianan di ARUBA DOET 2019. Premionan cortesia di Aruba Aloe, Dijtham, Kooyman, Pico Bello, Smit & Dorlas y SubWay.
Un danki special ta bai pa e team di Divi Phoenix, Trampolin pa Trabao, High Performance, Smit & Dorlas y Bo Potret pa e tremendo servicio, snack, kofie, ambiente y potretnan durante e lansamento di ARUBA DOET 2019.
Pa mas informacion tocante ARUBA DOET 2019 por bishita e website di ARUBA DOET www.arubadoet.com of sigui nos riba Facebook. Tambe por tuma contacto cu e team di ARUBA DOET na 582-7666 of manda un e-mail na [email protected]