Aña 2017 ta yegando su final. Te cu awo 166 proyecto a keda registra pa ARUBA DOET 2017, sigur un motibo mas pa celebra e fin di aña aki!
Si como organisacion social bo no a logra registra un proyecto pa ARUBA DOET 2018 ainda, bo tin oportunidad pa haci esaki te cu diabierna 12 di januari 2018. Probecha y haci uzo di e dianan di ARUBA DOET, diabierna 9 y diasabra 10 di maart 2018, pa verf bo centro di bario, haci tereno di deporte limpi, sali keiro cu grandinan, conta storia na un grupo di mucha den bario y mucho mas! Y si bo organisacion a registra su proyecto prome cu 22 di December 2017 TUR bo boluntarionan lo ricibi un dushi “Ice Cream” pa cortesia di Pico-Bello durante ARUBA DOET 2018.
Como boluntario ya caba bo por tira un bista riba e website di ARUBA DOET: www.arubadoet.com, scoge un proyecto di bo gusto y inscribi pa duna un man. Participa hunto cu bo famia, amigo y coleganan!
Bo kier sa mas di ARUBA DOET? Tuma contacto cu nos na 582-7666 of manda nos un e-mail na [email protected]
Alaves e team di ARUBA DOETy CEDE Aruba kier gradici henter pueblo di Aruba pa e sosten ricibi durante aña 2017. Y ta desea boso tur feliz dianan di fiesta y tur cos bon pa e aña benidero.