Aruba di luto: Un hoben a perde lucha contra depresion na pia di trabou

E ta un noticia cu normalmente prensa no ta publica. Sinembargo henter e situacion reinante y e forma con cosnan a bay a pone cu el a haya su publicacion.

Ta trata di e hoben J.S, kende a yega pia di trabou cu e pensamento cu e no por lucha mas contra su situacion y a cera su mes den un camber na di shete piso di e hotel unda e traha, unda niun hende por a yega cerca di dje mas. El a traha su mensahe cu el a post riba Facebook, prome cu el a sali y para riba e balcon. E momento ey a bati alarma.

Mesora polisnan a cuminsa yega na e sitio, mientras cu su famia y amigonan riba Facebook tabata trata di dun’e palabra  di aliento y tambe e turista abou banda di e pool.

E Polisnan cu a yega na e sitio, no por a drenta e camber pero si for di un camber na banda tabata papia cu ne y a haci tur lo possible, segun turistanan a comenta y nan a tende e desesperacion den nan stem  na momento cu e hoben a tuma e decision final.

Por a mira Janine Rodriguez di slachtofferhulp drenta e hotel na careda, pero e tabata net laat.

Tur e trahadonan y turistanan a wordo hiba den un area apart pa haya e ayudo necesario.

Na tur su famia y amigonan ta bay palabra di condolencia y forsa. Cu e mensahe di e hoben aki por yega pa yuda tur otro den un situacion similar.

Comments

comments