Recientemente un delegacion di Aruba a biaha pa Panama City, unda nan a tuma parti na e programa di certificacion “Certified Incentive Specialist (CIS)” durante e conferencia di Society for Incentive Travel Excellence “SITE”.
Conferencia mundial di SITE
Cada aña e miembronan di SITE rond di mundo ta reuni na e conferencia mundial durante un perdiodo di 3 dia. E conferencia ta cubri varios tema educacional specifico na e industria di gruponan incentivo. Durante e 3 dianan aki e miembronan ta haña e oportunidad pa tuma parti na sesionan educativo y asina keda actualisa cu tendencianan den e industria di gruponan incentivo. E aña aki a toca Panama su turno pa ta e destinacion pa cu e conferencia aki.
Aruba Convention Bureau (ACB), cu ta un departamento di Aruba Tourism Authority cu ta encarga cu promocion di Aruba como destino pa gruponan di incentivo y corporativo ta contento pa tabata unabes mas presente na SITE Global.E conferencia aki ta brinda e team di ACB cu conocimiento valioso den e industria di gruponan incentivo y oportunidad pa fortalece relacion cu socionan den e industria. E aña aki e ekipo di ACB a invita Sheree-Liz Quant cu ta studiante na Universidad di Aruba pa tambe ta presente cu e ekipo na e conferencia. Sheree- Liz a logra ricibi e invitacion aki despues di e logra gana e proyecto cu Universidad di Aruba a conduci conhunatamente cu ACB, unda ta enfoca entre otro riba e caracteristicanan cu e hoteleronan ta rekiri di un empleado.
“Certified Incentive Specialist (CIS)”
Durante e conferencia di SITE Global na Panama a tuma lugar e programa di certificacion “Cerified Incentive specialist” unda participantenan durante 2 dia a siña e practicanan di e industria di gruponan incentivo. E programa ta enfoca riba con un programa incentivo ta wordo diseña, kico ta motiva un persona pa alcansa un nivel mas halto den su trabou, y e impacto positivo cu un programa incentivo tin riba resultado di un organisacion.
Jerusha Rasmijn y Diantha Boekhouwer cu hunto ta forma e ekipo di Aruba Convention Bureau a logra exitosamente completa e programa di certificacion di CIS na Panama. Eco DMS tambe a forma parti di e delegacion di Aruba cu tabata presente na Panama. Anteriormente Maoreen Every y empresario di Eco DMS, Wichita Villacres, ja caba a logra completa e programa di certificacion di CIS. E biaha aki a tuma turno na Rijuenne Tromp, Melanie Lacle, y Sergino Croes pa a logra completa e programa di certificacion CIS exitosamente. Suzanne Van Grinsven cu ta representante di Red Sail Sports tambe a logra completa e programa di certificacion aki, anteriormente durente e conferencia di Imex cu tabata tin na Las Vegas.
Asina aki Aruba tin un ekipo cu ta certifica den e ramo di progama incentivo. E conocimento cu a wordo adkiri riba e ramo aki ta percura cu e ekipo di Aruba tin e hermentnan clave pa asina bende Aruba como e destinacion perfecto pa gruponan incentivo.