Sr. Franklin Kock, ta splica cu tin falta di hopi informacion ariba nos leynan laboral. Sr. Kock ta amplia mas ariba dje.
Basicamente na Aruba tin tres tipo di convenio pa haci trabao, cu ta parece hopi mes ariba nos mercado laboral. No ta cu tur convenio pa haci e trabao, un persona tin proteccion di e ley di sueldo minimo. Na un di e convenion so, e trahado tin proteccion di e ley di salario minimo. Un di e convenionan aki ta e ‘Aanneming van Werk’. Esey ta un convenio di trabao, unda cu persona A ta pidi persona B, of compania B, pa e traha un cos pe, pa e drecha/cambia algo. P.e. ora di traha un cas, ta pidi un contratista traha e cas. E tipo di relacionnan aki, ta relacionnan cu, no tin hefe. Tur dos partido ta pareu. E persona cu ta pidi pa traha e cas y esun cu ta traha e cas, niun di dos ta hefe di otro. Ta busca e contratista pa su experticio. E pago pa e tipo di relacionnan aki, ta bay segun palabracion. Loke palabra, e prijs, esey ta esun valido. Si despues no ta contento cu e trabao, of cu e prijs palabra, por tin un problema laboral, pero no tin proteccion di e parti aki. Eseyb ta pasa hopi na Aruba.
E di dos ta e convenio pa duna servicio, a base di conocemento. Riba tereno di husticia, ta pidi un abogado pa su conocemento ariba tereno legal/penal. Pa bende e cas, ta pidi servicio di un real estate. Aki tambe no tin relacion di hefe. Eynan tambe ta e pago ta bay segun palabracionnan haci.
E di tres convenio pa haci trabao, cual ta e Arbeidsovereenkomst, cual 80% di nos mercado ta traha a base di contrato laboral. Aki ta caminda un dunado di trabao, ta busca un trahado pa haci un servicio, eynan si tin un relacion herarchico. E hefe ta ariba e trahado, e relacion di autoridad. Door di e relacion aki, ley ta duna proteccion na contrato laboral. Ora di contrato laboral si, e trahado tin proteccion di e sueldo minimo. Esey ta e convenio cu tin proteccion di e sueldo minimo, door cu e relacion no ta pareu y ley tin miedo, ora cu un ta ariba otro, tin chens pa abuso, segun pensamento di e legislador.
Pa tin proteccion di sueldo minimo, ta traha basa ariba contrato laboral, bo tin hefe, bo mester yega na hora, no por sali ki ora cu ta. E ora ta papia di contrato laboral y e ora ey, e sueldo minimo ta duna proteccion. Pero si mester bisa cu e ley di sueldo minimo pa e duna proteccion, mester cumpli cu’n paar di condicion. E no ta dunabo proteccion sin mas, si ta trahando den servicio di otro, Sr. Franklin Kock, director di Departamento di Labor a splica.