Aruba a conoce su presidente di Parlamento, kende ta Mervin Wyatt-Ras. E no ta un figura desconoci tampoco y tin su experiencia caba den e funcion aki. Como su vice presidente, nos ta haya lider di fraccion Rene Herde, kende lo bay pone su conocementonan na prueba pa si neem over e trabao, ora cu Wyatt-Ras sea ta den exterior of indispuesto pa fungi den caso di vakantie of malesa.
Wyatt-Ras a expresa cu e ta hopi contento. E ta un reto pa por ta un presidente di Parlamento. E no ta un stoel facil pa asina ariba. El a fungi esaki caba pa 4 aña y vooral e ultimo aña di eleccion, ta un tiki mas pica. Sinembargo tey eynan pa haci e trabao como representante di pueblo y na momento cu ta wordo pidi pa haci esey, tin cu asumi e responsabilidad. Wyatt-Ras ta gradicido na su coleganan kendenan a sostene den esey y tambe ta felicita su colega Rene Herde, kende lo bira e vice presidente y cu eigenlijk por bisa cu no ta pa tira palabra pa otro pa den e sentido. Manera cu ta tende den sala pasobra cu ta bin di MEP, ta bira voorzitter. E ta den trabao y den concordancia cu otro den e fraccion, ta dicidi na algo y ora cu ta den un constelacion, ta den un team y ta forma parti di e team. Pa exclui tur duda y tambe pa loke ta trata e presidente saliente, Marisol Lopez-Tromp, Wyatt-Ras ta gradici’e pa tur e trabaonan cu el a haci. E ta colega y amiga. A pasa den hopi cos hunto den politica, pasobra politica no ta facil y el a haci su trabao durante tres aña y por bisa cu el a traha cu alma y curpa tambe. Tabata tin diferente issue cu el a pak aan manera e tabata y ta spera pa e sigui su carera y ta desee hopi exito den su siguiente carera.
Den e aña cu ta bin, tin hopi cos pa trata. Tin e presupuesto cu a wordo entrega na tempo. Cual lo bay bira e prioridad di Parlamento. E ley di ombudsman cu ta algo cu tur parlamentario ta carg’e. Manera cu e presidente saliente a bisa, e parti di verzelfstandiging di Staten. Esey tambe ta algo cu e tempo cu Wyatt-Ras tabata presidente, a cuminsa cun’e, pero ta un proceso largo y tin cu yega na e finalisacion di esaki pa Parlamento por ta un instituto independiente. Naturalmente ta bin otro issuenan acerca, manera Citgo, cual ta un reunion hopi importante cu ta wardando riba dje. Di su banda, Wyatt-Ras lo pone lo maximo esfuerso pa e haci un bon trabao pa Parlamento y tambe mantene e calidad cu Parlamento mester tin den nos comunidad, segun e presidente electo/
