Hunto cu diferente instancianan, ArtisA (Art is Aruba) e organisadornan di Aruba Art Fair ta organisa un dia pa famia, un dia pa nos muchanan y tambe un dia pa tur cu kier duna back na San Nicolas, Christmas Fair 2018, den caya di San Nicolas, pa ser exacto den Promenade di San Nicolas, December 8, 2018.
E dia aki Aruba en general lo presencia e manera diferente di decora San Nicolas y hasi di esaki un experiencia magico. Hunto cu DOW cu semper ta hasi di su parti pa decora e cayanan di San Nicolas a dicidi di complementa e trabao inmenso aki y hasi e promenade un atraccion unico, un sinergia di luznan y Arte.
Imaginabo ta cana bao di un espectaculo, streanan di 4meter pa 4 meter confeciona dor di e artista Arubiano Richard Wout.
Matanan lo wordo aregla diferente y semper poniendo e enfasis riba e murayanan cu dia tras dia ta hasi San Nicolas e lugar mas bishita pa nos turistanan.
Y ademas di e areglonan di luz, lo tin 10 angel colga na murayanan na unda e famia lo por tin un momento pa saca un potret di receurdo. Tambe e famia lo por bishita diferente stands di artesania di pasco, cumpra bo ayaca, bestel bo ham di Pasco, mientras cu bo ta presencia musica y baile di entre otro di e choir di San Nicolas bao di gui di Mr. Goedgedrag.
Pero tambe e elenco di Rejoice, Koslov Dance Academy y Club di Movimento cu lo ta un di e hopi formacionan di entertenimiento pa e anochi aki.
Durante Christmas Fair 2018, lo tin un exposicion di Nature and Faces. Mas di 70 potretnan a ser manda cu ta refleha e caranan mas bunita y unico di nos Arubianonan y tambe su naturalesa pa asina competi pa e 5 mihornan den ambos categoria. Esunnan cu bishita e feria lo tin e oportunidad pa vota pa e ganadornan. Esunnan cu resulta ganadornan lo tin nan obranan den exposicion na Colombia, Miami y Hulanda.
Tambe e organisacion lo sigui cu su Proyecto “Hasi un Mucha Feliz” na unda mas di 100 mucha menos priveligia lo haya nan Christmas Dinner y nan Christmas Presents y mucho mas.
Lo tin diferente oportunidad unico pa saca potretnan den famia, sea den areglonan unico cu lo tin presente of hunto cu Santa Claus y tambe den e obranan di arte y murayanan.
Pure Aruba Events Foundation bou maneho di ArtisA, despues di a organisa exitosamente Aruba Art Fair, lo ta organisando mas di e eventonan aki, tanto dia 18 di Maart cu un feria exepcional, como 25 di Juni cu ta Dera Gay, homenahe na nos Cultura.
Pa no keda di menciona, semper na luna di September, e siman di Aruba Art Fair cu ta acelera den popularidad International. Ya caba tin gruponan grandi di artistanan di diferente pais cu ta busca e posibilidad pa participa den Aruba Art Fair 2019. Y mas cu claro Art Fashion 2019.
Abo como famia por ser conoci cu San Nicolas, e areanan di Museo, pero tambe e area di Cultura y Arte den e ambiente mas dushi di henter anja den e Christmas Fair 2018.
Aruba Christmas Fair 2018 ta tuma lugar December 8, 2018 den Promenade di San Nicolas cuminsando pa 7 or di anochi y te cu 12 or di anochi y ta danki na Aruba Tourism Authority Sui Generis, Divi Impact y Divi Resorts Aruba, Unicon, Setar, Safecom, Compra, La Cabana Beach Resorts, Hilton Aruba, Hyatt Regency Resorts Aruba y na varios silent partners cu ta sinti e necesidad pa aporta na San Nicolas y hasi di San Nicolas the Art City of Aruba. Abo kier aporta bishita nos website: www.arubachristmasfair.com of yama 5934475.