E aña aki Schaakvereniging Aruba ta celebrando su di 70 aña di existencia y pa celebra e ocasion special aki, Federashon di Ajedrez di Aruba ta organizando e di 11 edicion di Aruba Chess Challenge, e unico torneo di ahedrez internacional akin a Aruba mes.
Esaki ta un gran oportunidad pa nos ahedrezistanan di Aruba, grandi y chikito, bin midi forsa cu nos hungadornan local y cu e hungadornan di otro paisnan. Ya caba tin ahedresistanan di Alemania, Corsou, Suriname y Venezuela a registra caba.
Aruba Chess Challenge 2016 ta tuma luga dianan 6, 7, 8 y 9 di October, na MFA Paradera.
Categorianan:
Ta wordo hunga den 3 categoria: 1. Open Group, 2. U-18 Youth Group y 3. U-12 Youth Group.
Premionan:
Open Group; prome puesto $750.00, segundo puesto $500.00, tercer puesto $300.00, cuarto puesto $200.00 & quinto puesto $100.00.
U-18 Youth Group: prome puesto trofeo, segundo puesto trofeo, tercer puesto trofeo, Best U-16 player trofeo & Best U-14 player trofeo.
U-12 Youth Group: prome puesto trofeo, segundo puesto trofeo, tercer puesto trofeo, Best U-10 player trofeo & Best U-8 player trofeo.
Arbitrahe:
Chief arbiter IA Ulises Hernandez (Venezuela) y assistant arbiters CM Raymundo Dijkhoff (U-18 Group) y Maurits Dijkhoff (U-12 Group).
Suma di registracion:
Open Group: Afl. 40.00 / U-18 Youth Group: Afl. 20.00 / U-12 Youth Group: Afl. 10.00.
Registra na Schaakvereniging (Nieuwstraat 11, Oranjestad):
Open Group: Diahuebs 29 September, di 8:00 pm – 11:00 pm.
U-12 & U-18 Groups: Diasabra 1 October di 09:30 am – 02:30 pm y di 06:00 pm te 10:00 pm.
Ultimo dia pa registra ta dialuna 3 October, pa tur 3 categoria, di 07:00 pm – 09:00 pm.
Ultimo fecha pa registra:
Dialuna 3 October, pa tur 3 categoria, di 07:00 pm – 09:00 pm. Despues di 09:00 pm no por tuma mas registracion!
FIDE rating:
Tur e partidonan di Open Group y U-18 Youth Group ta valido pa FIDE rating.
Federacion di Ajedrez di Aruba ta haci un yamada na tur ahedresista aki na Aruba, grandi y chikito, pa registra, participa y representa nos dushi Aruba, nos baranca tan stima.
Simpatisado y amantenan di e deporte di ahedres ta keda cordialmente invita pa bin presencia e partidonan. E torneo aki lo bira un experiencia inolvidabel. Alaves, boso presencia lo ta un apoyo moral pa nos ahedresistanan local.
Diferente di e hungadornan di nos Aruba Women’s Team y di Aruba Open Team, cu a representa Aruba recienna e 42nd World Chess Olympiad, Baku 2016, Azerbaijan, cu a tuma luga di 1-14 September, e luna aki, tambe lo ta presente.
Ahedres ta un deporte di concentacion y na Aruba e deporte aki a crece hopi desde 2013.
Na 2013 Federashon di Ajedrez di Aruba, cu cooperacion di FIDE (Federacion Internacional di Ahedres), a organisa UMADA CUP 2013 aki na Aruba. Sin duda, un exito rotundo!
Aña pasa, Aruba Chess Challenge 2015 a conta cu 98 participante, casi yega 100. Un record nobo di participante!
Fedracion di Ajedres di Aruba ta desea tur participante hopi exito y un torneo hopi unico e inolvidabel.