E dianan 15 y 16 di October proximo, Aruba Bodyboarding Association lo organisa e tan gusta Kooltemp Bodyboarding Challenge na Urirama, un sitio na Aruba masha popular como tambe gusta pa esnan cu ta practica e deporte di bodyboarding. Algun aña atras a tene e Urirama Waveriders Open cu a conoce un acogida grandi. Riba e dos dianan di competencia lo por competi den e categoriannan Open, Drop Knee, Women’s y Junior. E competencia lo bay ta uno den e olanan grandi entre 2 cu 3 meter di haltura, unda e demas competidornan lo bay duna un show di kita sombre na e publico presente.
Mester bisa cu nos atletanan di bodyboarding ta di un nivel halto mirando cu nan participacion internacional ta wordo reconoci pa esnan eyfor. Den pasado nos a logra conkista titulo internacional den e deporte aki. E federacion di ABA ta traha cu ranking y asina tin un bista ta kendenan ta Aruba su miho atletanan di bodyboarding. Pa loke ta nos participacion internacional den 2016, nos tin cu bisa cu den luna di September Joshua Kelly a representa Aruba den e PBA World Tour na Portugal, mientras e siman aki Jeremy Loefstok y Randolf Kock lo biaha pa Islas Canarias, Spaña pa competi den e PBA World Tour. Den e ultimo añanan, e deporte extremo aki a bira uno hopi popular na unda particularmente nos hobennan ta practica esaki na nos costanan Norte, esakinan Druif, Wariruri, Dos Playa, Anker y na e Bocanan.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di bodyboard na Urirama
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.