Destrui e isla, sea riba tereno di naturalesa of su herencia a para bira e Deporte Nacional. Esaki ta un di e 16 areanan cu parlemento di Aruba a dicidi cu lo wordo inclui den Parke Nacional Arikok.
Un biaha mas Aruba Birdlife e tuma nota di iregularidadnan tumando luga den areanan cu supuestamente mester ta protegi. Aruba Birdlife Conservation tin e siguiente preguntanan, pa cual e lo ta desea di haya un contesta.
1. Pregunta: Un di e organisadonan a tuma contacto cu Parke Nacional Arikok y puntra si ta ok pa destrui e pida “wetland area” aki? E luga aki ta un punto importante arkeologicamente pa Aruba.
2. Pregunta: Un di e organisadonan a tuma contacto cu Museo Arkeologico (si, Aruba tin expertonan ariba tereno di arkeologia) y puntra si ta ok pa pasa un bulldozer den un area asina importante ariba tereno di arkeologia?
3. Con bo por pone e restonan arkeologico bek na e mes manera cu nan a wordo haya? Mester por tin un miho manera y un manera responsabel pa kies un luga pa un dia di actividad.
Aruba Birdlife Conservation ta puntra su mes si tin sponsornan envolvi den e actividad aki y si nan a wordo informa cu nan lo ta contribuyendo den e destruccion di naturalesa y arkeologia?
E asunto aki ta laga un persona sin palabra, e situacion aki ta uno sumamente absurdo.