Segun Greg Peterson di Aruba Birdlife Conservation, e 11 mil firma cu a wordo colecta ta conta tambe pa Spaans Lagoen. Nan a manda un carta di protesta pa Gobierno cu nan tabata bezig cu esaki. Despues di esey a bin e destruccion na Bubali y despues a bin e destruccion na Savaneta. Ora cu esun di Spaans Lagoen a cuminsa, a manda un señal hopi fuerte pa no haci e cosnan aki, pone e brug otro, sea ta hacie mas halto of haci’e dubbel sin bay aden. Ya e contractnan a wordo firma, e daño a wordo haci.
Segun Peterson, ningun hende no tabata sa cu lo a bay mishi cu e mangelnan pasobra no ta tur informacion ta wordo suministra. Ta papia di un brug, pero achteraf mester a sloop e mangelnan. Mester a papia delanta di esaki. Peterson sa cu mester a haci algun estudio extra y sa cu down the road, loke a resta di Spaans Lagoen ta bay wordo proteha y lo bay bira parti di Parke. Si sigui asina y ta un caminda unda tur caminda tin mangel, tin destruccion, e ora dado momento ta bisa cu ta suficiente.
Ban scapa e ultimo paar di mangelnan cu nos tin.
Sin e cuna di bida ey, henter e naturalesa poco poco lo bay cay den otro, segun Peterson.
E pregunta ta keda si tin un caminda legal. Peterson a splica cu diahuebs atardi tabata tin un combersacion cu minister presidente, Mike Eman y tin cu bisa cu esaki a sali basta positivo. Ta keda optimista. E bala ta den e campo di Gobierno, cual ta haya un chens awo pa assess. Nan tin otro prioridadnan na cabes awo cu tin un cambio di minister etc., pero duna nan algun siman pa nan recapitula riba esaki y ta sigur nan ta bay bin cu un proposicion con pa soluciona e situacion aki, segun Peterson.