Aruba Birdlife Conservation cu campaña “Rescata nos Baranca”

E proposito principal di e campaña di Aruba Birdlife Conservation “Rescata Nos Baranca”, ta pa para e destruccion di areanan di naturalesa importante na Aruba y pa proteha e naturalesa di Aruba, nos Flora, Fauna y nan habitat. Aruba Birdlife Conservation ta den movecion constante pa mas di 4 aña pa haya 16 area di naturalesa importante oficialmente proteha na Aruba yp a e areanan aki bira parti di Parke Nacional Arikok.
Na Februari 2013, un mocion a wordo lansa pa 12 miembro di fraccion di AVP den Parlamento pa proteha e 16 areanan aki y pa nan bira parti di Parke Nacional Arikok dentro di 3 mocion despues cu e mocion a wordo aproba den Parlamento. E mocion aki a carga pa un manera unanime y aproba pa tur 21 miembro di Parlamento di Aruba.
Lamentablemente, mas di 3 aña despues, te cu awe, Gobierno di Aruba no a reconoce e deseo pa cumpli cu e 21 miembronan di Parlamento, e autoridad di mas halto di nos sistema democratico, pa proteha e 16 areanan di naturalesa importante y pa nan bira parti di Parke Nacional Arikok.
Al contrario, recientemente desaroyonan destructivo a cuminsa den algun di e areanan aki.
Adicionalmente na e desaroyo tristo aki, Gobierno a dicidi pa habri e plan di desaroyo di espacio (ROP) cu e intencion di kibra partinan di e areanan berde proteha di Aruba.
Entre e 16 areanan cu Parlamento kier proteha ta cuater area di parha importante y un plas (Ramsar Wetland Area).
Den hopi pais civilisa rond di mundo IBA’s (Important Bird areas) y Ramsar Areas ta protegi bao di legislacion nacional. Lamentablemente, te cu e fecha, esaki no ta e caso ainda na Aruba.
Bo por yuda haci un diferencia.
Ta importante pa compronde cu esnan di Aruba Birdlife Conservation y su varios boluntario kendenan ta promove y sostene e campaña aki:
No ta contra ningun hende.
Nan ta Pro desaroyo economico pero no pa e destruccion di areanan di naturalesa importante.
Un NGO cu un obhetivo importante pa defende e naturalesa di Aruba, parhanan di Aruba, en particular y nan habitat.
Traha pa percura pa e futuro generacion di e habitantenan di Aruba por disfruta di e naturalesa, flora y fauna di Aruba y nan habitante pa hopi aña cu ta bin.
Pa sostene e causa aki y e campaña, por fabor bishita e website www.savenaturearuba.com y firma e peticion awor.

Comments

comments