Sr. John Arends, un Arubiano bibando na Northern Ireland, ta conta di su logronan pa cu su productonan yama Aruba CBD.
Sr. Arends tin 20 aña cu el a sali for di Aruba, caminda el a biba mas di 10 aña na Hulanda, y actualmente e ta bibando na Belfast, pa 12 aña caba. E ta den e negoshi di cannabis, caminda cu su swa ta produci e cannabis na Spaña. E ta representante di e producto na Northern Ireland, unda cu e ta hopi conoci. E ultimo 3 añanan aki, e negoshi a crece enormemente.
Durante su trayectorio, el a haya un oportunidad unico di bin cu su mesun productonan di Cannabis Oil, den un forma di un food supplement y no medicinal. Pero como suplemento alimentario. E tabata un opotunidad unico, cual a haya un bon acogida na Northern Ireland, y ta mirando oportunidad pa expande pa Canada tambe. E ta un mundo hopi grandi, y ta creciendo. E tin hopi challenge pa haya e permiso pa ta den un negoshi asina. Na Inglatera ta hopi mas duro, ya cu na Northern Ireland nan ta mantene ley Ingles, unda cu nan ta completamente contra di cannabis.
Mientras cu Aruba ta den fase di estudio di cannabis, Sr. Arends tin e producto caba. Loke Sr. Arends lo desea ta pa e por exporta su producto pa Aruba. Esaki lo crea oportunidadnan economico grandi pa nos isla. Pa exporta e producto, pa trece y bende no ta facil, ya cu tin cierto rekesitonan cu mester cumpli cun’e como tambe cierot ahustenan cu metser custumrba cun’e. Tin hopi ehempel cu por duna, pero por bisa cu tin mas di 70 pais cu a bin cu cannabis, pero tur di na mester a adapta na un manera cu e por surti e pueblo miho. P.e. Canada cu ta bay completamente radical, legalisando esaki, e recreacional. Pero e ahuste cu ta bin cun’e, e no ta facil. E ta hopi duro. Djis trece y bende na Aruba, tin cu pensa cu yen di otro cos cu mester tuma luga tras di cortina pa acomoda e producto.
Mas aleu, Sr. Arends a sigui bsia cu ela duna su producto e nomber di Aruba, ya cu e ta sinti cu Aruba mester cuminsa un caminda. Tur luga tin cannabis oil. Aruba so ta un di esunnan cu no tin. Den paisnan di Reino, casi tur tin’e, pero Aruba no tin’e, pa cual Sr. Arends a sinti cu si sigui asina, Aruba ta keda atras. Como Arubiano, e ta sinti cu e tin conocemento den e materia aki y si e cumisna awo, cu e interes ta hopi grandi. E tin paar di aña caba den e asunto aki y el acerca gobierno algun aña pasa, pero nan no a mustra niun interes. El a acerca e gobierno actual, cu si a mustra interes. Y esey ta un stap hopi grandi. Pasobra ta un curashi pa haci’e y cu ta pensando ariba dje, ta un punto hopi importante.