Luna Foundation Aruba ta un fundacion cu ta inspira y dedica pa yuda cambia e bida di cachonan ariba caya na Aruba. Nan ta haci esaki atravez di educa y concientisa e comunidad di e importancia di sterilisacion di cachonan.
E boluntarionan di Luna Foundation ta bishita diferente bario na Aruba diariamente pa asina duna di come y bebe na cacho nan cu nan ta encontra ariba caminda, pa purba elimina e gran cantidad di cachonan ariba caya cu ta muri di hamber. Pa nan por sigui cu e trabou aki, Aruba Bank a haci un contribucion na e fundacion.
Nos ta invita comunidad henter cu por pa haci un donacion na e fundacion pa asina nan por sigui cu e bon trabou. Pa mas informacion con pa haci un donacion por bishita nan website: https://www.luna-aruba.com/