Aruba Bank ta uni cu Wente Vineyards y Papiamento Restaurant pa recauda fondo pa FHMD

Wente Vineyards & Papiamento Restaurant Charity Golf Tournament a tuma lugar siman pasa na Tierra del Sol. Pa di 15 aña consecutivo e torneo aki ta tuma luga cu e meta pa recauda fondo pa un instancia caritativo. Aruba Bank a uni su mes na e meta aki pa yuda recauda fondo pa Fundacion pa Hende Muher den Dificultad (FHMD). A establece FHMD pa duna “shelter” refugio na hende muhenan y nan yiu(nan) cu ta victima di violencia domestico. E meta di e fundacion ta pa yuda mehora e posicion di e hende muher afecta na Aruba, pa stop violencia den famia, specialmente contra hende muhe y tambe pa duna yudansa den tipo di situacionnan similar. Aruba Bank ta satisfecho di por sostene Wente Vineyards y Papiamento Restaurant pa genera fondo pa un fundacion cu tin un demanda halto pa por sostene e clientnan cu ta depende di FHMD pa refugio y guia. Pabien na Wente Vineyards y Papiamento Restaurant pa e bunita esfuerso y un torneo exitoso.

Comments

comments