Aruba Bank ta orguyoso di ta e sponsor oficial di e Aruba Cup Pro-Am Golf Tournament. Un evento di golf riba cancha profesional di Tierra Del Sol, cu lo presenta hungadonan internacional cu ta inclui futuro profesionalnan cu lo por uni nan mes na e PGA TOUR.
Nos esfuerso y cooperacion cu Tierra Del Sol, e unico cancha di 18 hoyo na e isla, ta central pa e plataforma di programa di sponsorship di deporte di banco. E evento cu lo conta cu 88 hungado lo tuma luga dia 18 di December 2016 cuminsando pa 8:00AM.
Aruba Cup Pro-Am Golf Tournament ta presenta e PGA TOUR Latinoamerica, Mackenzie PGA TOUR Canada, PGA TOUR y PGA Champions players. Aruba Bank ta masha contento di por añadi un otro evento di golf di caliber na nos tan conoci Annual Aruba Bank Corporate Golf Charity Championship.
Segun Marc Kwaad, Executive Director di Aruba Bank, nan ta sumamente complaci di ta e sponsor oficial di un evento asina importante den e mundo di deporte y di golf en particular. Aruba Bank ta gradici Tierra Del Sol, cu ta un cliente tambe di e banco y e PGA Tour team pa haci e evento aki un realidad.
“Nos ta satisfecho di tin e oportunidad pa ta anfitrion di e evento aki na Tierra Del Sol y tambe di trece golf di e caliber aki na Aruba cu ta yuda promove nos isla como un golf friendly island”, asina Cisco Quant di Tierra del Sol a duna di conoce.
Pa mas informacion pa participa por bishita http://www.tierradelsol.com/ of tuma contacto cu Tierra Del Sol na 586-7800.