Aruba Bank ta haci donacion na Cacique Macuarima pa recupera despues di vandalismo y candela

Aruba Bank a tuma nota di e noticia cu a sacudi nos comunidad, ora cu actonan di vandalismo na Cacique Macuarima school a culmina den incendio y a caba cu cuatro (4) les lokaal, strobando les na e muchanan.

Di biaha a mobilisa den e institucion financiero pa sostene e Cabesante di Cacique Macuarima, Sra. Rachelle Croes-Caster, maestronan y Asociacon di Mayornan di e scol, pa yega na e fondonan necesario pa reconstrui e parti di e edifico cu a kima y cumpra e material cu a perde, pa e muchanan por reanuda nan lesnan mas pronto cu ta posibel.

Aruba Bank a reuni cu e cabesante dia 14 di januari atardi na e scol mes pa presenta e bunita suma di AWG.10,000 como parti di e inversion pa yuda cubri gastonan di material, banki y restauracion di e edificio pa e muchanan.

Aruba Bank ta haci donacion na Cacique Macuarima School…

Posted by MasNoticia.com on Tuesday, January 14, 2020

Nos ta encurasha nos comunidad bini hunto pa duna un man pa sostene nos educadornan y e alumnonan di Cacique Macuarima cu mester di e ayudo inmediato.

Comments

comments