Pa sigui celebra su 100 aña, Aruba Bank N.V. ta lansando un evento deportivo bao tur e banconan local: “Battle of the Banks”. Tur e banconan a wordo invita pa participa den un serie di competencia deportivo, caminda nan lo midi forsa y demostra pasion pa deporte.
E banconan participante ta Caribbean Mercantile Bank, Royal Bank of Canada, Banco di Caribe, Centrale Bank van Aruba, Total Bank y Aruba Bank.
Y cada un lo defende nan mes den Bowling, Volleyball, Bolas y Softball.
Diabierna nos a tene un nochi di sorteo pa determina e secuencia di competencia entre e banconan pa cada deporte. Representantenan di cada banco tabata presente pa trek lotna nomber di su institucion.
Fechanan di competencia:
Bowling – 2 di mei pa 7:00 pm na Eagle Bowling
Volleyball – 10 di mei pa 7:00 pm y 11 di mei pa 6:00 pm na Centro Deportivo Betico Croes
Bolas – 16 di mei pa 7:00 pm y 17 di mei pa 6:00 pm na Papaya Ranch
Softball- 23 y 24 di mei na Madushi Stars, 30 y 31 di mei 6:00 pm na Flatstone Ballpark
Nos ta invita tur empleado, supporter y pueblo di Aruba pa bin sostene bo banco preferi den e bataya amical y deportivo. Battle of the Banks ta mas cu un competencia, e ta un celebracion di un institucion cu a sirbi y crece huntu cu nos comunidad pa un siglo completo.
