Aruba Bank MegaMATCH Car Sale Event tabata un exito rotundo

Un biaha mas Aruba Bank a bati tur record cu su Car Sale Event di mas grandi di Aruba. E aña aki e evento a carga e nomber “MegaMATCH”, y a atrae hopi cliente existente y cliente nobo cu tabata entusiasma cu e oferta di Aruba Bank, cu ta inclui e servicio di cumpra un auto of motorcycle na september y cuminsa paga te na Maart 2017.
For di momento cu e campaña y evento a keda anuncia Aruba Bank a experencia mucho mas trafico riba nan website di clientenan buscando un “Match” pa nan presupuesto y un pre-aprobacion pa nan prestamo cu “0” downpayment y solamente 7% di interes (interes efectivo ta varia entre 7.11% y 7.18%).
Diferente cliente tambe a scoge pa extende nan periodo di prestamo te cu shete aña pa asina haci posibel pa nan cumpra e auto di nan soño y toch yega na un quota mensual cu ta conviniente.
Durante di Aruba Bank “MegaMATCH” e kids corner cu su competencia di autonan chikito y otro actividadnan tabata un “hit” completo y a permiti mayornan e chens pa bishita e diferente agencianan di auto y motorcycle presente, y aplica pa nan auto cu tur trankilidad.
Aruba Bank ta manda un “danki” na tur bishitante cu a sostene Rotaract, door di cumpra cuminda of bebida, asina yudando nan yega na fondonan pa cumpli cu nan metanan di brinda yudansa den nos comunidad.
Aruba Bank ta gradici comunidad di Aruba pa scoge Aruba Bank como nan banco preferi. Ta un placer pa brinda servicio y productonan cu comunidad ta pidi, y pa yuda clientenan logra nan deseo y metanan; tambe den e adkisicion di nan vehiculo.

Comments

comments