Na tur parti di mundo ta enfoca riba e nivel y calidad di servicio cu ta brinda clientenan, durante e prome siman di October. E “Costumer Appreciation Week” ta un siman cu enfoke riba oportunidad pa conscientisa riba servicio na cliente y e rol vital y importante cu esaki tin pa bo empresa. Pa Aruba Bank tur dia ta dia di bisa ‘Danki’ y a intensifica e gesto den un siman di celebracion. E aña aki Aruba Bank a usa e tema “We Our Customers!”.
For di dialuna dia 3 di October y pa un siman largo tur sucursal di Aruba Bank a celebra e siman special aki cu tur su clientenan cu un treat special.
Ademas di e ambiente di celebracion na cada sucursal Aruba Bank a sorprende varios cliente na diferente localidad. E premionan di cada “surprise moment” tabata efectivo y ta varia entre Awg 250,- y Awg 500,-. Pa culmina e celebracion riba diabierna a cubri tur gasto di compras di tres cliente nan Superfood.
Manera ta un custumber Aruba Bank a organisa un campaña riba red social riba su pagina di Facebook y aki tambe clientenan tabata tin oportunidad tur dia pa forma parti di e Quiz y asina participa pa gana un premio.
E cliente tabata esun central durante e siman aki y tur dia na un manera special Aruba Bank a bisa Danki un biaha mas pa e aporte, e lealtad di cada cliente cu pa añanan ta haci uzo di e servicio di e banco.