Aruba Art Fair (AAF) e festival di arte cu ta carga na curason e meta pa uni arte, artista y artesanonan na Aruba y asina aki crea conexion entre nos artistanan local cu plataforma nan creativo internacional.
Danki na e sosten di Ministerio di Cultura, Departamento di Cultura y Oficina di Turismo awe San Nicolas ta drenta un fase di revitalisacion pa logra e meta pa yega bek na e cuidad di herencia cu cultura di Aruba. Cu esaki ta crea un atracccion mas facinante y cultural pa tanto local como nos bishitantenan cu buscando pa conoce mas di e cultura y tradicionnan di e paisnan cu nan ta bishita.
Ta trata aki di un hornada extremadamente facinante pa Aruba, unda cu e Aruba Art Fair Team a prepara diferente competencianan riba nivel artistico entre artistanan local y scolnan pa asina aki deleita y inspira publico riba loke ta bay tuma luga 16, 17 y18 di September.
AAF a bin cu e tremendo iniciativa pa crea un ruta pa hiba Aruba completo San Nicolas September, por medio di diferente elemento artistico envolviendo comunidad. Ta trata aki di e Aloe 125 cu a selecta 10 artista pa crea un piesa di arte di Aloenan traha na man pa dos artista hopi renombra na Aruba, Edmond Tejeehut y Frank Croes.
Tambe a a crea e Culinary Competition, cu a sa di uni studiantenan di EPB y EPI den team cu chefnan ehecutivo di hotel renombra na Aruba, pa hunto crea un dessert inspira pa un obra di arte. E competencia aki a tuma luga diasabra ultimo 3 di September den e cushinanan di EPB, unda cu famia y amigonan a bay apoya nan team favorito. E competencia culinario aki a haya masha hopi atencion mes via rednan social.
Entre e competencianan AAF a ‘pop-up’ na diferente localidad promoviendo no solamente e festival di arte pero tambe a pone nos artistanan local prome y a inspira e publico pa participa cu colabora hunto na un obra riba canva durante e diferente evento y hotelnan.
Pa loke ta trata e 3 dianan icono unda arte, artista y artesanonan local e internacional lo ta ‘center stage’, lo haci e gran apertura riba dia 16 di September unda a organisa un subasta dinner pa recauda fondo pa inverti den e sector di arte na Aruba y a combina esaki cu un elemento fabuloso’ Fashion meets Arts Show’ den colaboracion cu diseñadonan local manera Maria Theresa Madariaga & Luis Benjumea, Gigiola Gomez, Eliza Lejuez, Rhona Lemminga, Gionina Engelhardt, tambe nos lo yama bon bini na e internacional Aruba lo haya oportunidad pa conoce e cas di moda di Atelier Dore y David Paulus. Tur esaki den centro di San Nicolas. Carchi pa e Fashion meet Arts show tin un balor di afl. 50,-
Tambe San Nicolas lo pasa den un fase di trasnformacion unda edificionan lo wordo bisti den un bachi nobo, mas colorido y artistico crea pa artistanan internacional y local. Ya caba Aruba por a disfruta di e piesa unico di e Yuwana traha pa artista int’ Bordallo II y tambe por a ripara stoelnan wordo decora pa arte di Mosaic di artistanan local.
Na mes momento Aruba completo su sector artistico lo por wordo inspira durante e tayernan duna pa artistanan local y internacional cu lo siña nos mas di tecnica, pensamento pa crea, y ehecucion di cada un di nan proyectonan. Pa participacion cu e workshopnan por registra via nos website www.arubaartfair.com
Durante e 3 dianan aki di e magno evento, Aruba y San Nicolas lo resplandece door di tur e expresionnan artistico cu lo carga centro di San Nicolas por completo, unda lo tin diferente pop-up di artistanan local y internacional, korteweg, Cosecha workshop store, Museo Comunitario y Industrial habri pa publico, musica y diferente presentacionnan artistico en bibo y un sin fin di atraccion pa grandi y chikito.
Calling all artists:
AAF team kier invita tur artesano y Artistanan local cu no a logra registra ainda pa haci esaki mas pronto cu ta posibel pa asina aki hunto nos expone e balor artistico di cada talento di nos yiunan di tera. Pa mas informacion con pa participa por bishita nos website www.arubaartfair.com
Aruba completo ta cordialmente invita pa bin conoce San Nicolas den otro luz, bin disfruta di tur e expresionnan artistico, festival di luz y mas cu tur cos bin sostene nos artistanan local y San Nicolas. Prijs di Carchi pa publico pa 17 y 18 di September ta afl 10,- , weekend pass afl. 15,- na Valero Oranjestad, San Nicolas, Santa Cruz, Superfood Plaza y Plaza Bookstore.