Sr. Freddy Montoya como representante di Departamento di Cultura a duna informacion riba participacion na Aruba Air Fair di e aña’ki. Sr. Montoya a bisa cu e ta sinti’e sumamente contento di e evento aki como cu e ta un habitante di Sanicolas y su aporte na e evento ta e hecho di tur e cosnan di entrentenimento rond di e evento mes. A dedica e prome dia pa loke ta e famoso Poder di Hubentud, arte en general y poesia, Rap tanto musica y baile, arte di palabra, Gang di Arte esta tur e elementonan cu tin di haber cu hoben. Sr. Montoya ta sigui bisa cu Diasabra lo bai tin e asina yama “performance art” y un caya cu ta dedica specialmente na Aruba, nos raiz, nos patrimonio, nos esencia y “performance” cu ta bai tuma e caya y invadi locual ta e aceptacion di nos mesun hendenan di Sanicolas den un forma “perfomatico” y diferente presentacion cu durante di e anochi aki ta bai tin. Y Diadomingo no por un espacio afo pa e artistanan imigrante y Sr. Montoya a sigui bisa cu tin hopi grupo cu kier integra y lo tin participacion di mas di 12 pais cu ta bai haci’e un fiesta. “Y mi ta kere cu esaki ta forma arte riba su mes pues un medio pa ataca guera, incluso ta e unico herment pa uni. Mi ta kere cu arte ta e medio caminda tur artista ta tene man y mustra con poderoso nos ta pasobra nos lema incluso na Departamento di Cultura ta hunto nos ta grandi”, asina Sr. Freddy Montoya a declara. Sigur, segun Sr. Montoya, e tin confianza den e artistanan local pa haci di e evento aki hopi grandi mes.