Sr. Tito Bolivar di Art Fair Aruba a duna informacion di e evento di e aña’ki cu ta wordo dedica na e artista cu ta mas famoso na Aruba, esta Sr. Elvis Tromp. Elvis Tromp ta celebrando su 50 aña pintando y un di su obranan ta papia di Sanicolas, con esaki a crece y evoluciona y e obra di arte aki ta wordo usa como e “main branding” di Aruba Art Fair su flyernan y posternan. Tambe Sr. Bolivar a sigui bisa cu lo bai tin un sorpresa pa Sr. Elvis Tromp durante Art Fair y asina aki ta sigui siña con mester usa Art Fair como plataforma pa duna artistanan local nan espacio y con por crea di Sanicolas un lugar artistico y con por pusha artistanan local pa crece y asina haya tur clase di hende pa asisti na Art Fair y e aña’ki lo siña cu lo bai cuminza reconoce nos artistanan local. Lo dedica Art Fair na un artista local cu merece esaki y pa e motibo aki a cuminsa cu Sr. Elvis Tromp kende ta celebrando su 50 aña den e mundo di arte riba nos isla. Sr. Bolivar a sigui bisa cu e fin di siman aki lo bai ta hopi great y si bo ta gusta cuminda, lo bai tin tres pop up restaurant, entre otro Renassaince, Delimare y Gianni’s Group. Si bo ta gusta muziek lo tin hopi agrupacion musical y mas cu claro si bo ta gusta arte, lo bai tin mas di 100 artista local y internacional kendenan lo bin expone nan arte. Si bo ta un persona cu ta gusta baile, lo bai tin diferente show y asina aki lo uni tur cos, hasta pa muchanan pasobra a cuminza cu Youth Art Fair p’asina nan crece cu arte. Un di e “succes stories” ta Rasheed Lowe, kende lo bai pinta su prome “mural” oficial den Sanicolas e weekend aki. Apenas Rasheed tin 15 aña y s cuminza expresa su talento danki na Aruba Art Fair. Diadomingo tambe lo tin “We Culture” cu lo join Aruba Art Fair tambe caminda nan lo tin nan propio set up y nan propio musica y asina aki ta haci yamada na tur plataforma di Aruba cu kier forma parti di Aruba Art Fair ta mas cu welcome. “Pasobra Aruba Art Fair ta dibo, e ta pabo, pues tin Youth Art Fair ta bai ta super zuiver”, asina Sr. Bolivar a declara. Carchi ta obtenibel na tur Citgo Pomp Station rond Aruba y tambe na SuperFood y tambe ta obtenibel na entrada di e evento mes.