Segun Amerigo Vespucci, Aruba un tempo a wordo yama Venezuela of Little Venice. Vespucci y Columbus a explora varios continente den “Mundo Nobo”, loke nan a yama “teranan desconoci”.
E Europeonan a siña conoce Aruba dia Amerigo Vespucci y Alonso de Ojeda a descubri’e nan na aña 1499. Amerigo Vespucci tabata un Italiano, comerciante, explorado y un cartografo (pintado di mapa). Vespucci den un di su cuatro cartanan na Lorenzo di Pierfrancesco di’Medici a describi su biahe pa e islanan banda di costa di Venezuela. El a skirbi di un isla unda mayoria mata ta palo di brazil. Den un otro carta el a describi un otro isla chikito habita pa hendenan masha grandi, cual isla e expedicion a pensa cu lo no tabata habita. Spaña a colonisa Aruba pa mas cu un siglo y tur tres isla ABC tabata pertenece na Venezuela. E gobierno su base tabata na Coro, Venezuela.
Europeonan pa prome biaha a mira Aruba, hunto cu Boneiro y Corsou, dia e Spaño, Alonso de Ojeda y e Italiano Amerigo Vespucci a yega na aña 1499. Observando e Indjannan bibando den casnan traha di palo riba awa, Vespucci a yama e luga aki Venezuela (Little Venice). E Spañonan a mantene un populacion chikito na Aruba entre 1527 – 1636, te dia cu Hulandesnan a yega y tuma over di e isla. Na aña 1678, e Pas di Nijmegen formalmente a reconce e soberania di Aruba, Boneiro y Corsou. Aruba su Indjannan tabata parce cu a caba pero a wordo absorba den e populacion Europeo.
Un gradicimento ta bay na e website Banco di Memoria, http://www.bancodimemoria.org/, cu a brinda e informacion sumamente valioso aki reflehando asina un tiki mas riba nos pasado.