Den e temporada di Carnaval aki, Aruba Aloe ta yuda cuida nos Polisnan Arubano y nos voluntarionan di Crus Cora cu nan trabaonan intensivo cuidando nos comunidad. Manera aña pasa– Aruba Aloe a regala tur nos oficialnan cu ta traha durante e paradanan di Carnaval e aña aki, un tubo di Sunscreen, esta e “very water resistant SPF 50+ Broad Spectrum”. Cada un di e miembronan di Crus Cora tambe a ricibi un tubo di Aruba Aloe su “ Luxe Foot Crème”, traha cu 100% di e gel puro di Aloe di Aruba.
E gesto aki ta pas perfectamente cu e situacion. Durante e festividadnan di Carnaval, e miembronan di nos cuerpo policial ta traha oranan largo den e solo pa yuda mantene nos comunidad y ambiente sigur. Na mesun momento durante e paradanan den dia, Aruba Aloe su sponsorship lo yuda proteha e cuero di nos oficialnan contra e rayonan dañino di solo, y asina brinda proteccion tambe, pero di un manera diferente. Igualmente, e Luxe Foot Crème lo yuda duna alivio na e volutarionan di Crus Cora despues di a para tanto ora riba nan pia durante eventonan di Carnaval.
E donacion aki tambe ta sirbi como ehempel pa e comunidad, recordando tur hende con importante ta pa uza Sunscreen. Door di concientisa e publico, Aruba Aloe ta spera di transimiti e importancia di e uzo di sunscreen pa yuda preveni daño na e cuero cu e rayonan ultravioleta – UVA y UVB – di solo ta ocasiona. Ambos UVA y UVB ta responsabel pa kemadura di solo, cancer y otro efectonan dañino manera lachi of envehesemento prematuro. E Compañia tin tambe como proposito pa educa e comunidad ariba e tema aki. Por ehempel cu ta importante pa sa con pa aplica e Sunscreen (aproximadamente cada dos ora) y cu ta importante tambe pa usa Sunscreen hasta riba dianan nubla y riba tur tipo di cuero.
Aruba Aloe ta ofrece un coleccion di Sunscreen cual ta formula cu 100% di e gel puro di e Aloe hunto cu ingredientenan nutritivo manera vitamina E, asegurando asina cu e cuero no ta solamente protegi, pero tambe ta keda suave y hidrata. E Compania tambe ta ofrece un coleccion amplio di productonan pa “after-sun”, cual por yuda calma y cura e cuero despues di a bin den contacto cu hopi solo.
Aruba Aloe ta invita henter comunidad pa pasa na un di su 16 tiendanan aki na Aruba prome cu e parada grandinan pa cumpra nan sunscreen y ricibi 20% di descuento.
Aruba Aloe, cual a ser funda na 1890, ta un di e poco compañianan di Aloe na mundo cu ta crece, cosecha y procesa su Aloe na e mesun lugar. E Aloe aki, cual ta wordo considera como e miho Aloe di mundo, ta e base di un coleccion di producto pa cuido di cuero, solo y cabey, un coleccion cu ta sigui crece. Aruba Aloe awor tin 16 tienda na Aruba, y su productonan ta obtenibel pa wordo cumpra riba www.arubaaloe.com (Merca & Canada) y na www.arubaaloe.nl (Europa).