Aruba Aloe Balm pa un di su proyectonan lo ta bay tin mester di 125 trahado mas o menos. Pa esaki nan a schakel in DPL. Nan tin mester di personal pa dos posicion.
Sr. Giovanni Boekhoudt, HR Manager di Aruba Aloe, a splica cu pa nan expande nan campo di aloe, nan mester tin hende pa planta y corta aloe pa produccion. Y tambe pa mantene e matanan, zorg pa nan ta bon manteni. Tambe nan mester di hende pa traha den produccion mes. Nan ta asisti den e proceso di produccion. Nan ta traha y empaketa e productonan. E area di produccion tambe lo mester ta limpi y ordena. Nan ta traha conforme dos certificado di ISO cu nan tin. Esey ta normanan di calidad pa zorg pa tur nan productonan tin mesun calidad semper. Y pa nan clientenan ricibi semper e mesun bon calidad di nan productonan.
P’esey ta hopi importante pa tur hende cu traha na Aruba Aloe Balm sigui procedura y isntruccionnan ‘al pie de la letra’. Un persona cu tin bista pa detayenan, dinamico y den bon condicion fisico. Si ta traha den camponan di Aloe ta deal cu solo, y e ta un trabao fisico. Pero tambe den e fabrica e ta un posicion tambe fisico. Ta bay ta end up ta traha un trabao cu ta duro, pero si haya hendenan motiva y den bon condicion fisico, nan lo logra haya e personal necesario pa e trabao aki.
Tambe ta importante pa hendenan cu traha den fabrica, por ta flexibel. Ta bay tin diferente shift, di den dia y di atardi pa anochi tambe. Trahadonan cu wordo tuma pa un siman prome, nan lo haya instruccion den area di calidad y siguridad. Tambe lo haya splicacion di con mester traha e productonan, y e procedura y instruccionnan cu tin cu sigui.
Aruba Aloe Balm ta unico compania cu tin 2 certificado di ISO, pa nan normanan di calidad y esey nan kier mantene. P’esey ta importante pa personanan cu join e proyecto aki, wak e importancia di esaki. Sigui normanan di calidad, sigui instruccionnan y haci e trabao manera cu e ta wordo haci caba. Lo kier mantene e calidad di e producto.
Importante tambe ta cu nan ta buscando personanan cu ta orguyoso di e historia di Aloe na Aruba.
Aruba Aloe Balm ta un compania cu tin hende jong te cu 50 aña trahando. Esey no ta problema, pero mester hendenan cu ta traha cu pasion, vooral hendenan cu ta orguyoso di Aruba y conoce e historia di Aloe. Door cu ta un trabao fisico, personanan di entre 17 te cu 50 aña di edad lo por aplica, segun Sr. Giovanni Boekhoudt, HR Manager di Aruba Aloe.