Diaranson a tuma luga e di 35 Annual Tourism Conference Aruba, y presente na e conferencia aki tabata tin tambe Sr. James Fazzio, CEO Aruba Airprot Authority, cu ta elabora ariba e importancia y e rol di Aruba Airport Authority den Aruba su turismo.
Sr. Fazzio a cuminsa splica cu Aruba Airport Authority ta un di e facilitadornan mas grandi di Aruba su turismo. E mercado Norteamericano ta un di e mercadonan mas grandi di Aruba su turismo cu 75%. Den e ultimo añanan AAA a bin ta dunando e miembro/delegadonan di ATA e bista general pa loke ta e plannan pa Airport, e plannan di modernisacion y haci inversion pa futuro, cual ta algo importante cu tour operatornan kier scucha, tocante e futuro di Aruba.
GATEWAY 2030
Pa loke ta e proyecto aki di expansion di nos airport, al momento di mas o menos 25 miyon $ den construccion, trahando ariba e gatenan. Airport tin 4 compania grandi di construccion preparando nan oferta pa e expansion di e terminal principal y ta spera cu esakinan lo por ta cla pa september. Y despues di 2 luna, lo por tin e prome groundbreaking, pa loke ta construccion mes. Ta trahando ariba e utilidadnan ta den e footprint den e edificio nobo y ta trahando ariba esaki. E ta bay den tres fase. Pero e bon ta cu mayoria di e mehoracion den airport pa cu e gatenan extra, sistema di ekipahe, etc. Tur ta den e prome fase den e ultimo 18 lunanan. Despues lo sigui cu e siguiente fase cu lo ta programa pa termina na 2023 mas o menos.