Diahuebs awor dia 3 di November, Aruba Airlines lo tin un tremendo special net pa e temporada aki di fin di aña. Ta trata di e “Shopping Night: Buy Now, Fly up to 2017”.
Aruba Airlines lo ta habri entre 7:00pm y 10:00pm pa bo pasa libremente na su oficina situa na Cumana 69. E dia aki lo duna 15% di descuento riba compra di pasashi pa cualkier destinacion di Aruba Airlines. Esaki lo tuma luga unicamente e anochi aki.
Bo por cumpra bo ticket pa biaha te cu Augustus 2017. E dia aki lo tin e programa “E Regalo” di Power FM transmitiendo bibo cu animacion di grupo di Gaita Los Parranderos y Tsunami. Bar lo ta bon surti.
Pa mas informacion por yama 583-8300 of 583-2002. Por bishita tambe arubaairlines.com. No perde e oportunidad unico aki. Cumpra bo pasashi y biaha na no destino preferi cu Aruba Airlines.
Aruba Airlines ta funda desde dia 31 di Januari 2006 y a realisa su prome vuelo dia 31 di Mei 2013. E compania Arubiano tin su oficina principal situa na Cumana 69 aki na Aruba. Aruba Airlines ta bula cu avionnan nobo y moderno, Airbus A 320-200 cu un capacidad di 150 pasahero, parti den 12 pasahero Business Class y 138 den Economy Class. Nan tin un total di 300 empleado staciona na tur nan oficinanan den tur nan mercadonan. Na Aruba so tin 139 empleado den servicio directo.